Kulis gənc şairə Günel Treunun yeni şeirlərini təqdim edir.

qırmızı şərab

mən qırmızı şərabı dodağından içərdim,

• İranda azərbaycanlı kimliyi uğrunda vuruşan tarixçilər - Araşdırma
• "Prison Break" serialı yenidən çəkiləcək
• Məni o kanala dəvət etdilər və aldatdılar

evimizdən yığışıb, ürəyinə köçərdim.

saçının teli üçün bir ömürdən keçərdim

amma sən heç bilmədin sevgi nədi, eşq nədi

varlığım varlığına susuz qalıb, təşnədi.

həzin səsin dünyanın ən möhtəşəm bəstəsi,

gözlərinlə sağalar milyon ilin xəstəsi

gəl, yenə əllərində nərgiz gülü dəstəsi

aç könlümü,

orada özünü gör, əzizim,

orda ancaq sən varsan, mənim qalmayıb izim.

sən qoxlayıb, öpürdün saçlarımın tağını,

əridib, yox edirdin ürəyimin yağını.

sən başının üstündə uçan ağ qağayını

əllərinlə yemlərdin,

sənə heyran olmuşdum

üşüyüb, uşaq kimi sinənə sığınmışdım.

xəyalımda böyüyür, qıvırcıq saçlı qızım,

ona adlar qoyuram,

gah yoncam, gah nərgizim.

qoxunu ürəyimə çəkəcəyəm, əzizim

niyə qorxdun sevgimdən, nə günahdı, nə ayıb

gəl, sənə çox həsrətəm, dodaqlarım catlayıb...

qorxma...

qorxma ,

ayrılıqlar

dünyanın sonu deyil

bir az yıxılacağsan

sadəcə,

dizlərin ağrıyacaq

ürəyin kimi!

xəyallarında qurduğun dünya

ucub dağılacaq

gözlərin önündə.

ən ağır zəlzələ misalı

titrəyəcək həyatın,

yer yerindən oynayacaq sanki.

qorxma,

ölüm deyil ki!

arzulardan hördüyün

divarların naxışı,

xəyalında doğulan

irigözlü körpənin

məsum baxan baxışı

uzaqlarda qalacaq,

çox uzaqlarda!

qalxacaqsan ayağa

bir az başın dönəcək,

bir az sızlayacaq ürəyin.

qəlbindəki dəniz bildiyin eşq

gözlərindən süzülüb,

damla-damla tükənəcək!

və bir gün

qəlbin susayacaq

yeni sevgi üçün.

unudacaqsan dünəni

unudacaqsan...

• İranda azərbaycanlı kimliyi uğrunda vuruşan tarixçilər - Araşdırma
• "Prison Break" serialı yenidən çəkiləcək
• Məni o kanala dəvət etdilər və aldatdılar