Akif Cabbarlı: “Səngər vəsiyyətnaməsi” Ən qısa hekayə

Kulis.Az  Akif Cabbarlının “Ən qısa hekayə” müsabiqəsinə göndərdiyi Səngər vəsiyyətnaməsi” (479 işarə) hekayəsini təqdim edir.

 

Bir yaz günü sübh tezdən gizir növbəni dəyişərkən Gənc Əsgərin yerini boş gördü. Səngərin nəm divarında süngünün ucu ilə yazılmış cümlə aydınca oxunurdu: "Getdim qarşıdakı dərədən bənövşə yığım. Sabah nişanlımın ad günüdür. Salamat qayıtsam poçtla göndərəcəm. Qayıtmasam məni bağışlayın"

        

Gənc əsgər qayıtmadı.

 

Bir gün sonra erməni zabit snayper gülləsinə tuş gəlmiş Gənc Əsgərin cibindən çıxardığı tər bənövşə qomunu dizinin üstündə otuzdurduğu sərxoş axçiyə iylədirdi.

        

Gənc Əsgərin kəndində bir azərbaycanlı qızı səngər ətirli bənövşə buketi gözəliydi.

LENT

20 İyun 2018
19 İyun 2018
18 İyun 2018
17 İyun 2018
16 İyun 2018
15 İyun 2018
14 İyun 2018