Bu gecə qış gəlib bizim həyətə
Hardansa bir həyət günah gətirib
Bir pişik də gəlib, sahibsiz pişik
Elə bil gözündə allah gətirib
Bu gecə külək də tərsinə əsir
Yarışa giribdir ağaclar ilə
Bəlkə də, ağacdan doymayıbdılar
Həyətdə yarpaqlar gəzişir elə
Üstünə qar yağan o qara stol
Qalıbdır soyuqda üşüyür bəlkə
Bəlkə də, indi bir adam axtarır
Razıdır hər kəsin yükünü çəkə
Bu gecə üşüyür həyət-bacamız
Pəncərə küləyin tütəyi olub
Oturub gözləyir sahibsiz pişik
Qapımız Əzrayıl ətəyi olub
Bu gecə qonağım sahibsiz pişik
Uzun yollar gəlib, yorulub tamam
O mənim sirdaşım, gecəmə şərik
Mən onun gözündə adi adamam
Qış gəlib
26 noyabr 2014
12:10
1246 dəfə oxunub
Oxşar xəbərlər
Dolayaram dikdabanıma dünyanı - Şəlalə Adilqızının şeirləri
11:30
3 aprel 2024
Mənim səssizliyim dünyanın gurultusunu susdurar! - Şəms Hüseynli
17:29
28 mart 2024
Ev üşüyürdü - Nazilə Gültacın hekayəsi
16:30
9 fevral 2024
"Ay mənim dilimin bal məhəbbəti..." - Kamran Bağırlının şeirləri
14:00
2 fevral 2024
Gecənin bir yarısı kaş ki, səni tərk edib özümə gələ bilsəm... - İsa Məmməd
11:14
26 yanvar 2024
"Vallah, televizor şeyxana olub..." - Firidun Ağazadədən şeirlər
10:53
17 yanvar 2024