Yenə görüşəcəyik...

Yenə görüşəcəyik...
10 avqust 2012
# 09:25
Ceyhun Nağıya ithaf olunur

Dini kitablara inansaq, ölüm yeni bir başlanğıc, insanın bir dünyadan o biri dünyaya köçməsidir. Görünür, dünyasını dəyişmək ifadəsi də təsadüfən yaranmayıb. Dini kitablarda yaxşı insanlar ücün cənnət vədi də var.

Dostumuz Elçin Səlcuq ölümün yeni başlanğıc olması ideyasına cox inanırdı, ona görə də ölümə müqavimət göstərmədi, əksinə onun üzərinə getdi.

Elçin dindar deyildi....

Mən də dindar deyiləm, hətta din haqqında tənqidi fikirlərimə görə məni qınayanlar da var, amma ölümün yeni başlanğıc olması ideyasına inanıram. Bu fəlsəfə insana inam və ruh verir. İnanırsan ki, bu həyatda itirdiklərinlə o biri dünyada yenidən görüşəcəksən.

Bu fəlsəfəyə inandığıma görə ölən ücün ağlamağı doğru saymıram. Yaxşının yeri onsuz da cənnətdir, pis ücün isə ağlamağa dəyməz. Amma yox... Hər dəfə dostlarımızı bu dünyadan yola salanda ürəyimdən iri qara daş asılır... Özümə gələ bilmirəm...

***

Ceyhunla bir qəsəbədə olurduq. Amma onunla necə tanış olduğumu xatırlaya bilmirəm. Bildiyim odur ki, bizi yollar doğmalaşdırıb. Şəhərdən gələn və şəhərə gedən yollar... Çox yol yoldaşı olmuşdum Ceyhunla... Getdyimiz yol haqqında uzun-uzadı söhbətlərimiz olurdu. Ceyhun yolun fəlsəfəsini, mahiyyətini başa düşən adam idi və biz təxminən eyni yolun yolçusuyduq. O, yola cox inanırdı. Və ömürünün sonuna qədər öz yoluna sadiq qaldı.
Bizi yollar birləşdirmişdi, yollar da ayırdı. Ceyhun o biri dünyanın yolunu tutdu... Və bu məqamda Elçin Səlcuqdan bir sitat lap yerinə düşər: “Yol getmək ücündür. Gedə biləcəyin yollar sağ olsun”. Sən yükündən fərəhlənən insan idin. Amma deyəsən sənin yükün cox ağır oldu, abi...

***

Mən görüşəcəyimizə inanıram... Ümid edirəm ki, sən də bunu bilirsən. Bilirsən ki, görüşümüzdə az adam olmayacaq... Dostlarla bir yerə yığışacağıq.. Və bir xeyli söhbət edəcəyik, gəldiyimiz yoldan danışacağıq. Amma.. Təki yanına xəcalətli gəlməyək...
Yolçu yolda gərək...


# 931 dəfə oxunub

Oxşar xəbərlər

Elza Seyidcahan Gömrük Komitəsindən nə istəyir?

Elza Seyidcahan Gömrük Komitəsindən nə istəyir?

15:30 22 iyul 2024
Bundan başqa sözün düzünü yazan yox imiş

Bundan başqa sözün düzünü yazan yox imiş

12:20 22 iyul 2024
Tıq-tıq xanım özünə pullu ər axtarır

Tıq-tıq xanım özünə pullu ər axtarır

09:00 20 iyul 2024
Gözəlliyə və qadınlara biganə olmayan çılğın kişi

Gözəlliyə və qadınlara biganə olmayan çılğın kişi

17:00 19 iyul 2024
Qar tanrısının qeydiyyatı haradır?

Qar tanrısının qeydiyyatı haradır?

16:25 15 iyul 2024
Fahişələrə haqq qazandıran filmimiz

Fahişələrə haqq qazandıran filmimiz

15:00 11 iyul 2024
# # #