Milli Teatrda "İblis və..." tamaşasının premyerası keçirildi

Milli Teatrda "İblis və..."  tamaşasının premyerası keçirildi
8 oktyabr 2024
# 11:22

Akademik Milli Dram Teatrında "İblis və..." tamaşasının premyerası keçirilib.

Kulis.az xəbər verir ki, Hüseyn Cavidin “İblis” faciəsinin motivləri əsasında hazırlanan tamaşanın janrı fəlsəfi dekonstruktiv-metadramdır.

Yeni səhnə əsərinin quruluşçu rejissoru Dövlət mükafatı laureatı, Əməkdar incəsənət xadimi Mehriban Ələkbərzadə, quruluşçu rəssamı Əməkdar mədəniyyət işçisi İlham Əsgərov, geyim üzrə rəssamı Vüsal Rəhim, işıq üzrə rəssamı Rafael Həsənov, bəstəkarı Azər Hacıəsgərli, məsləhətçisi Əməkdar mədəniyyət işçisi Azər Turan, rejissor assistentləri Nərmin Həsənova və Ceyran Başarandır.

Tamaşada Əməkdar artistlər Ayşad Məmmədov və Anar Heybətov (İblis), Elnar Qarayev (İblisin varisi-1), Elşən Cəbrayılov (İblisin varisi-2), aktyorlar Murad İsmayıl (Arif), Elsevər Rəhimov (Vasif), Əməkdar artist Vəfa Rzayeva (Rəna), aktyor Elçin Əfəndi (İbn Yəmin), əməkdar artist Elşən Rüstəmov (Elxan), Xalq artisti Kazım Abdullayev (İxtiyar şeyx), aktyorlar Lalə Süleymanova (Xavər), Vüsal Mustafayev (Vasifin dostu), Elçin Nurəliyev (Çavuş, Haydut) və Tural İbrahimov (Kanuni, Haydut) iştirak edirlər.

Qərbdə də, Şərqdə də çox araşdırılan, diqqət çəkən İBLİS mövzusu Hüseyn Cavid yaradıcılığında Tanrı kоnsepsiyası ilə özünəməхsus çalarda həll edilib. Hüseyn Cavid İnsan, İblis, Tanrı kоnsepsiyasını özünəməхsus formada ortaya qoyur. Onun İnsan, İblis, Tanrı haqqındakı fikirləri yaradıcılığının böyük, daхili qüvvəsi və mahiyyətidir. Bu tamaşa Hüseyn Cavidin “İblis” əsəri əsasında dekonstruksiya da adlana bilər. “İblis” əsərinin motivləri əsasında “İblis və…”.

4 pərdəli faciənin (dekonstruksiyanda 1 hissəli metadram) təyinat xətti dəyişərək yalnız Tanrı-İblis və insan xətti üzərində köklənir. Təyinat İblisə, ondan doğan faktor isə İnsana yönəlir. Qısa desək, “İblis” pyesində ruhunu şeytana satan insanların aqibəti təsvir olunur. Bu isə İBLİSin qələbəsidir.

İlk baxışda dünyanın ədalətsizliyində boğulan, bir filosof baxışına sahib Arifin qaranlıq dünyasındakı ŞÜBHƏ toxumu, onun içindəki gizli şəhvət və sərvət istəyi, Şərq insanının narahat ruhu onu istədiyi və yaşadığı həyatın dilemmasında qoyur.

İçində boşluqlar olan insan İBLİSİ cəlb edir. Və İblis yer üzünə sürgününə səbəb olan insanla mübarizədə Tanrıya Haqlı olduğunu isbatlayır.

Qeyd edək ki, 3-4 sentyabr tarixlərində Sankt-Peterburqda - Aleksandrinski Teatrında Azərbaycan Dövlət Akademik Milli Dram Teatrının "İblis və..." tamaşasının premyerası keçirilib. Bu, Azərbaycan teatr tarixində Aleksandrinski Teatrında premyerası keçirilən ilk tamaşadır.

# 1718 dəfə oxunub

Oxşar xəbərlər

Elçin Əzizovun quruluşunda “İolanta” operasının premyerası olub

Elçin Əzizovun quruluşunda “İolanta” operasının premyerası olub

15:25 13 sentyabr 2025
Kukla Teatrı Qazaxıstandakı festivalda iştirak edib

Kukla Teatrı Qazaxıstandakı festivalda iştirak edib

18:20 12 sentyabr 2025
Qusar teatrı mövsümü bu tamaşa ilə açacaq

Qusar teatrı mövsümü bu tamaşa ilə açacaq

15:50 10 sentyabr 2025
YUĞ Teatrında yeni mövsümün ilk iclası keçirildi

YUĞ Teatrında yeni mövsümün ilk iclası keçirildi

14:14 10 sentyabr 2025
“Jorj Danden, yaxud Aldanmış ər” tamaşasının premyerası olacaq

“Jorj Danden, yaxud Aldanmış ər” tamaşasının premyerası olacaq

15:10 9 sentyabr 2025
UNESCO-nun Qeyri-maddi Mədəni İrs siyahısındakı ənənəvi teatrlar

UNESCO-nun Qeyri-maddi Mədəni İrs siyahısındakı ənənəvi teatrlar

12:00 6 sentyabr 2025
Ana səhifə Yazarlar Bütün xəbərlər