İran və Səudiyyə Ərəbistanı arasında Ümrə böhranı böyüyür.

Kulisin radikal.com-a istinadən verdiyi xəbərə görə, İranın Ciddə Hava Limanında iki iranlı gəncə cinsi təcavüz iddiaları ilə təqsirləndirilən şəxslər məhkəməyə çıxana qədər İran Səudiyyə Ərəbistanına Ümrə uçuşlarını dayandırıb.

Mart ayında İran Həcc və Ümrə təşkilatçılığı naziri Səid Əhvadinin viza probleminə görə Ümrə səfərlərini təxirə salacaqlarına dair açıqlama verdi. Ötən həftə isə hava limanında iranlı gənclərə cinsi təcavüz iddiaları ilə iki ölkə arasında gərginlik daha da artdı. Səudiyyə Ərəbistanı iki mühafizəçini saxladıqlarını və hüquqi ölçü götürəcəklərini desə də, İranın xarici işlər nazirinin köməkçisi Hüseyn Əmir Abdullahiyan Ümrə səfərinin ləğv olunması tələbini gündəmə gətirdi.

İranın öndə gedən dini liderlərindən olan Ayətullah Mekarim Şirazi də “Ümrəyə zillətlə getmək şərt deyil” deyə açıqlama verdi. Bu açıqlamadan sonra İran millət vəkilləri Ümrə mövzusunun gözdən keçirilməsi və problem həll olunana qədər təxirə salınmasını istədilər. İran Məclisi milli təhlükəsizlik və xarici siyasət komissiyasının təmsilçisi Hüseyin Nakavi 70-ə qədər millət vəkilinin bu təklifi imzaladığını söyləyib:

“Millət vəkilləri bu təklifi hacılara yönəlmiş hörmətsizlik və ədəbsizliyin artması və Ciddə hava limanında iki gənc iranlıya qarşı təcavüzdən sonra imzaladılar. Təklif Səudiyyə Ərəbistanı rəhbərlərinin hacılara sayğı göstərməsi və təhlükəsizliklərinin təmin olunması mövzusunda arxayınlıq yaranana qədər Ümrənin təxirə salınmasından ibarətdir.”

• “Azərbaycan kəlağayısı günü” münasibətilə konsert baş tutub
• 857 saatlıq film nədən bəhs edir?
• Spilberqin yeni filmində kimlərin rol alacağı məlum oldu