Yazıçı Varis Yolçuyevin adı “Ən populyar 1000 yazar” siyahısına düşüb. Bu barədəLent.az-a məlumat verən yazıçı deyib ki, Türkiyənin nüfuzlu 1000kitap.com saytında yayımlanan siyahıda xarici ölkə yazıçılarının siyahısında 113-cü, ümumi siyahıda isə 338-ci yerdədir.

İlk üçlükdə Simon De Bavuar, Elif Şafak və Reşat Nuri Güntekin qərarlaşıb. “Ən populyar 1000 yazar” reytinqində əcnəbi yazarlar arasında daha çox müasir Amerika yazıçılarına rast gəlinir. Reytinqin ilk sıralarında Fyodor Dostoyevski, Viktor Hüqo, Con Steynbek, Cek London, Lev Tolstoy, Frans Kafka, Çarlz Dikkens, Emil Zolya, Ernest Heminquey kimi dünya şöhrətli klassik yazıçılarla yanaşı çağdaş dövrün Xalid Hüseyni, Dan Braun, Adam Fauer, Suzanna Kollinz, Paolo Koelyo, J.K.Roulinq, Qabriel Qarsia Markes, Joze Saramaqo kimi ən populyar yazarları da var.

2014-cü ilin martında İstanbulda map olunmuş “Son məktub” romanı “Ən populyar 1000 kitab” reytinqinə daxil olaraq reytinqdə 182-ci yerə yüksəlib.

İlk dəfədir ki, reytinqə azərbaycanlı yazıçının da adı daxil edilib.

Türk dilində nəşr edilmiş kitabların əhatə etdiyi (Türkiyə, Almaniya, Bosniya, Bolqarıstan, Şimali Kipr və s. ölkələrdən ibarət) böyük kitab bazarının tədqiqi ilə məşğul olan 1000kitap.com saytı populyar kitabların və yazıçıların reytinqlərini təqdim etmək üzrə ixtisaslaşıb.

“Ən populyar 1000 yazar”, “Ən populyar 1000 kitab”, eləcə də 1000 kitap.com saytında təqdim edilən digər – “Ən çox oxunan yazarlar”, “Ən çox oxunan kitablar” reytinqləri kitabların satış faizi, ekspertlərin qiymətləndirməsi, eləcə də oxucuların rəyləri əsasında formalaşır.

• “Qılınc və qələm” romanının özbək dilində nəşrinin təqdimatı oldu
• “Qədim incəsənətin şah əsərləri” sərgisi açıldı
• "Bridcet Cons" seriyasının növbəti filmi 2025-ci ildə yayımlanacaq