#

«Gənclər arasında sosial işin təşkilinin təbliği»

«Gənclər arasında sosial işin təşkilinin təbliği»
23 yanvar 2013
# 17:38

«Gənclər arasında sosial işin təşkilinin təbliği» layihəsi Azərbaycan Gənclər İttifaqı tərəfindən bu ilin yanvar ayından Azərbaycan Respublikası Gənclər və İdman Nazirliyi tərəfindən dəstəklənərək həyata keçirilməyə başlayıb.

Layihənin məqsədi Şəki və Quba şəhərlərinin gəncləri arasında sosial işin təşkilinin təbliğinə və bu sahədə geniş biliklərin verilməsinə nail olmaqdır. Layihə çərçivəsində yeniyetmə və gənclər arasında sosial işin təşkilinin təbliği barədə geniş məlumatların verilməsi, həmin məlumatların icmalarda yayılması məqsədi ilə fəal gənclər qruplarının formalaşması, bu qruplarının müxtəlif təbliğat fəaliyyətlərini təşkil etməsi nəzərdə tutulub.

Layihə çərçivəsində “Sosial işin təşkilinin əsas meyarları”, “Sosial işin üstünlükləri”, “Sosial işçilər kimlərdir, onların vəzifə və məsuliyyətləri”, “Sosial işçinin etik qaydaları”, “Sosial əlaqələrin qurulması” kimi mözvular tədris ediləcək.

Layihəni icrası zamanı təlimlərdə iştirak etmiş gənclərin yerlərdəki müfaviq təşkilat və qurumlara səfərləri təşkil ediləcək. Bu tip səfərlərin məqsədi təşkilat və qurumlarda sosial iş ilə tanış olmaq, sosial işçilərin gündəlik işinə baxmaq, bu haqda məlumatın tətbiq edilməsini müşahidə etmək, sosial iş haqqında digər vacib məlumatı toplamaqdı.

Seçilən fəal gənclər üçün təlimlərdən sonra praktiki fəaliyyət həyata keçiriləcək. Onlar yaşadıqları şəhərlərdə yerli icmalara səfərlər edərək əhali arasında sosial iş və sosial işçinin vacibliyi barədə ətraflı məlumatın yayılmasını yerinə yetirəcək. Bu yol ilə əldə etdikləri bilikləri geniş auditoriya arasında təbliğ etmək imkanı əldə olunacaq.

Qeyd etmək lazımdır ki, layihə “Azərbaycan Gəncliyi 2011-2015-ci illərdə” Dövlət Proqramının müvafiq tədbirlər planında (6.3. Gənclərin intellektual və yaradıcılıq potensialının inkişafı bəndinin 6.3.7 yarımbəndi Müasir peşələr, onlara tələbat və peşə seçiminə dair interaktiv informasiya resursunun, gənclərin peşəyönümü üzrə səyyar və distant məlumat-məsləhət xidmətlərinin yaradılması) nəzərdə tutulan fəaliyyətlərin icrasına yönəlib.

Layihə 2013-cü ilin aprel ayında başa çatacaq.

# 2059 dəfə oxunub

Oxşar xəbərlər

Dilənçi və dönərçi - Yaşar Bünyadın yeni hekayəsi

Dilənçi və dönərçi - Yaşar Bünyadın yeni hekayəsi

10:32 1 oktyabr 2024
Heç birinə inanmayın - Gənc yazıçılara 10 məsləhət

Heç birinə inanmayın - Gənc yazıçılara 10 məsləhət

12:00 30 sentyabr 2024
Qeybdən uzanan əl - Elçinin yeni hekayəsi

Qeybdən uzanan əl - Elçinin yeni hekayəsi

15:00 28 sentyabr 2024
Allahın özünün də kamilləşməyə, saflaşmağa ehtiyacı var - Fəxri Uğurlu

Allahın özünün də kamilləşməyə, saflaşmağa ehtiyacı var - Fəxri Uğurlu

12:00 28 sentyabr 2024
Bir əsgər anasının ümidi ölmür heç vaxt - Ən yaxşı müharibə şeirlərimiz

Bir əsgər anasının ümidi ölmür heç vaxt - Ən yaxşı müharibə şeirlərimiz

17:00 27 sentyabr 2024
Şəhid telefonlarına cavab verən ekspertiza həkimi - Onun ölüm səbəbi nə idi?

Şəhid telefonlarına cavab verən ekspertiza həkimi - Onun ölüm səbəbi nə idi?

15:00 27 sentyabr 2024
# # #