Cəlil Cavanşirin və rejissor Orxan Əlinin ssenarisi əsasında çəkilən “Baş rolda mən” adlı filmin çəkilişləri yarımçıq qalıb. Bu barədə Kulis.Az-a Cəlil Cavanşir məlumat verib: Çəkilişlərə çox iddialı və həvəsli başladıq. Demək olar ki, heç bir maliyyə dəstəyimiz yox idi. Orxan Əli öz şəxsi hesabına texnika kirayələdi. İlk gündən problemlər başladı. Ssenariyə uyğun olaraq filmdə öpüşmə və sevişmə səhnələri olmalı idi. İlk olaraq bu səhnələrdə çəkilməyə aktrisa tapa bilmədik.
Ssenaristin sözlərinə görə filmin baş qəhrəmanının ateist olması da prosesə ziyan vurub: “Filmin çəkilişi üçün rejissorun müraciət etdiyi rəsmi qurumlar ssenarini dəyişdirməyi təklif etdi. Mən isə ssenarinin dəyişdirilməsinə razı olmadığım üçün çəkilişlər dayandı. Çünki bu ssenarini dəyişdirmək, bayağılaşdırmaq istəmirəm. Filmdə rejissorun da, mənim də vermək istədiyimiz mesaj Azərbaycan tamaşaçısı üçün lazımlıdır. Mən rejissorun ssenarini dəyişdirmək istəyini normal qarşılayıram. Azərbaycan bazarına uyğun film çəkib tanınmaq, pul qazanmaq onun haqqıdır. Eyni zamanda film üçün böyük pul lazımdır. Pulu verəcək təşkilat və ya insan ateist düşüncənin əleyhinədir.
Cəlil Cavanşir hələ də çəkilişlərin davam edəcəyinə ümid etdiyini bildirib.
Film sənətdə uğursuzluğa düçar olmuş gənc aktyorun yaşadıqlarından bəhs edir.
Filmin quruluşçu rejissoru Orxan Əli, rejissoru Elçin İbrahimov, rejissor assistenti Səbuhi Tağzadə, operatoru Emin Şahverdizadədəir. Baş rollarda Nura Adıgözəlli, Aysel Sadıqova, Vasim Seyfullayev, Cəlil Cavanşir çəkilməsi nəzərdə tutulub.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər