Kann kinofestivalının baş mükafatı “Qızıl Palma budağı” fransız rejissoru Jak Odiara “Erran” filminə görə verilib. Xatırladaq ki, Odiar bundan əvvəl “Peyğəmbər” filminə görə festivalın Qran-Pri-sini almışdı.
Kulisin gazeta.ru-ya istinadən verdiyi xəbərə görə, bu ilki festivalın Qran Prisi macar rejissoru Laslo Nemeş debüt filmi “Sın Saula” ya görə verilib. “Ən yaxşı rejissor” nominasiyasında Xou Syaosan “Qatil” filminə görə mükafatlandırılıb. Münsiflər heyətinin xüsusi mükafatı yunan rejissoru Yorqos Lantimosa “Lobster” filminə görə verilib.
“Ən yaxşı kişi rolu” nominasiyasında Vensan Lendon “Bazar qanunu” filminə görə mükafatlandırılıb.
Runi Mara və Emmanuel Berko “Ən yaxşı qadın rolu” nominasiyasında mükafatı bölüşüblər ( “Kerol” və “Mənim kralım” filminə görə). “Ən yaxşı ssenari” amerikalı Mişel Frankonun “Salnaməçi” filminin (Baş rolda Tim Rot) ssenarisi hesab olunub.
Ceyn Birkin fəxri “Qızıl palma budağı”nı klassik fransız kinosunun və “Sol sahil” rejissorlar qrupunun nümayndəsi Anyes Vardaya təqdim edib.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
