Avqustun sonundan kino həvəskarları məşhur “Qafqaz əsiri” filminin remeyki ilə tanış olmaq imkanı qazanacaqlar. Prokata çıxarılan yeni “Qafqaz əsiri”nin rejissoru Maksim Voronkovdur.
Kulis.az-ın gazeta.ru-ya istinadən verdiyi xəbərə görə, yeni filmdə Şurik rolunda Dmitrity Şarokis, Nina rolunda Anastasiya Zadorojnaya çıxış edib. Məşhur Trus-Balbes-Bıvalıy üçlüyünü isə Semyon Struqaçov, Nikolay Dobrınin, Sergey Stepançenko oynayır.
Filmə çəkilən bütün aktyorlar orijinaldakılara maksimum oxşarlığına görə seçilib. Ona görə də filmə unudulmaz aktyorların oxşarlarının yığıncağı demək olar. Həm də yalnız oxşarlığa görə yox. Kino mütəxəssislərin yazdığına görə süjetin müasirləşdirilməsi də əks-effekt yaradıb: “Sanki filmin yaradıcılarının müasir detalları köhnə ilə əvəzləməyə imkanı çatmayıb”.
Sovet kino klassikasının remeyki baxmayaraq ki “6+” nişanı ilə təqdim olunur, orijinaldan fərqli olaraq uşaqlar üçün nəzərdə tutulmayıb.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
