"Məni elə adamlar bəyənib ki, bu və bunun kimi gənc tədqiqatçılar bəyənməsə də, olar..."
Kulis.az xəbər verir ki, bu sözlər Xalq yazıçısı Kamal Abdulla onun "Qatardakı adam" hekayəsi barədə tənqidi mətn yazan Vüqar Van haqqında deyib.
Xalq yazıçısı qeyd edib ki, sözügedən hekayə yaşlı adamlar üçündür:
"Məni elə adamlar bəyənib ki, bu və bunun kimi gənc tədqiqatçılar bəyənməsə də, olar.
Amma hər halda mənim adımdan ona təşəkkür etməyini xahiş edirəm.
Artıq “mən” sözünü də işlətməyə “qorxuram”.
Bu gənc tədqiqatçıya de ki, gələcəkdə araşdırdığı mətndə sözləri saymasın.
Bu hekayə bir ovqat, əhval hekayəsidir. Keçmişi olanlar üçündür.
Lap açıq desəm, yaşlı adamlar üçündür. Deyə bilər ki, hekayənin ünvanı yaş müxtəlifliyinə uyğun olmamalıdır. Mən hesab edirəm ki, olmalıdır. Nahaqdan uşaq ədəbiyyatı ayrıca götürülmür ki…
Bir də de ki, qatarın yeknəsəq səsi hələ də mənim qulağımdadır.
O bunu eşitmirsə, bu səs, deməli, özünü ona eşitdirmir. O, qatarda gələn xatirələrin, duyğuların ləzzətini yaşlananda biləcək, yəqin.
Bilməsə, mənlik deyil.
Hekayə barədə isə mənim bilmədiklərimi ( həm də bildiklərimi) mənə dediyi üçün isə bir daha təşəkkürlər.
Mənim seçmə hekayələrim toplanan “ Sirri- zəmanə” kitabım var. Bir ona da nəzər yetirsəydi, sevinərdim..."
Qeyd edək ki, bu sözlər Xalq yazıçısı Kamal Abdullanın Ulucay Akifə yazdığı məktubdandır.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
