2020-ci ildə pandemiya səbəbilə bir çox mədəniyyət ocaqları qapadılsa da, il ərzində ölkəmiz üçün kifayət qədər yaddaqalan hadisə baş verdi. Kulis.az ötən il ərzində ölkədə və dünyada baş verən önəmli ədəbi-mədəni hadisələrin xülasəsini təqdim edir.

İl ərzində ədəbiyyat sahəsində baş verən hadisələr:

Şair Baba Vəziroğlu “Şöhrət” ordeni ilə təltif edildi.

***

Fransa Senatının sərəncamıyla 1980-ci ildə Parisdə yaradılmış Avropa Elm, İncəsənət və Ədəbiyyat Akademiyasının növbəti yubiley sessiyasında Azərbaycan yazıçısı Afaq Məsud qurumun həqiqi üzvü seçildi.

***

“Nika” Rusiya Kinematoqrafiya Sənətləri Akademiyasının vitse-prezidenti, Azərbaycan Kinematoqrafçılar İttifaqının sədri, Azərbaycanın xalq yazıçısı Rüstəm İbrahimbəyov "Şərəf və ləyaqətə görə" "Nika"ya layiq görüldü.

***

Kulis.az "Sözün güneyi" adlı yeni layihəyə start verdi və Cənubi Azərbaycan yazıçılarının əsərləri silsilə yayımlandı, onlar haqda tənqidi yazılar yazıldı.

***

Kulis.azın daha bir layihəsi ədəbi-tənqidin və oxucuların diqqətini çəkdi: “Hekayə günü” Bu gün yayımlanan hekayələr müzakirələrə səbəb oldu.

***

İlk dəfə monqol dilinin orijinalından hekayələr çevrilərək yayımlandı.

***

Şərif Ağayarın “Arzulardan sonrakı şəhər” romanı, Nadir Adilmanın “O gələcəkmi?”, Reyhan Həsənovanın “Göydən üç alma düşdü”, Mübariz Örənin “Sodomor” kitabları Fransada işıq üzü gördü.

***

İlin ən çox müzakirə olunan romanları bunlar oldu: Kamal Abdulla - “Sirlərin sərgüzəşti”, Əjdər Ol – “Lo”, Pərviz Cəbrayıl “Məryəm surəsi”, Aqşin Yenisey – “Tarix və tale”, Şamxal Həsənov – “Səs və ya qırmızı”...

***

Gənc şair Amil Amal “Evə gələndə sevgi al” kitabını Kulis.azda əqdim etdi

***

Ramiz Rövşən və Vahid Əzizə Xalq şairi, Kamal Abdulla və Afaq Məsuda Xalq yazıçısı adı verildi

***

Ölkə başçısı Ramiz Rövşənə mənzil hədiyyə etdi

***

Rusiya Prezidenti Vladimir Putin Azərbaycan Yazıçılar Birliyinin katibi, Xalq yazıçısı Çingiz Abdullayevi “Dostluq” ordeni ilə təltif etdi.

***

“Mücrü” nəşriyyatının rəsmi açılış mərasimi baş tutdu.

***

Hollandiya yazıçısı Marika Lukas Reyneveld Beynəlxalq Buker Mükafatının qalibi oldu

***

Xalq şairi Fikrət Qocaya "İstiqlal" ordeni verildi.

***

2020-ciil ədəbiyyat üzrə Nobel mükafatı amerikalı şair Luiza Qlüka verildi.

***

Əlif Şəfəqin ermənipərəst mövqe sərgilədiyini əsas gətirərək Azərbaycanda bir neçə kitab mağazası onun romanlarının satışını dayandırdı

***

Qonkur mükafatının bu ilki qalibi fransız yazıçı Erve Le Telye oldu.

***

Xalq yazıçısı Kamal Abdulla "Şərəf" ordeni ilə təltif edildi.

***

Xalq şairi Vahid Əzizə Prezidentin fərdi təqaüdü verildi.

Mədəniyyət və incəsənət sahəsində baş vermiş önəmli hadisələr:

Şamil Əliyevin “Çölçü” filmi 2020-ci ildə uğur qazanan ilk filmimiz oldu.

***

Xalq artisti Rasim Balayev TÜRKSOY-un təsis etdiyi “Nəsimi” medalı ilə təltif edildi

***

Brüssel İncəsənət Sarayında təşkil edilən “Bridges” film festivalında rejissor Hilal Baydarovun “Xurmalar yetişən vaxt” filmi nümayiş olundu.

***

Azərbaycan musiqi mədəniyyətinin inkişafında xüsusi xidmətlərinə görə Əlibaba Balaəhməd oğlu Məmmədov “Şərəf” ordeni ilə təltif edildi.

***

Azərbaycanın Xalq artisti, tanınmış tenor Yusif Eyvazov Avstriyada klassik musiqi sahəsində nüfuzlu Mədəniyyət üzrə “Qran- Pri” (Grand Prix de la Culture) mükafatına layiq görüldü.

***

Gənc pianoçu Leyla Zeynalova 9-16 fevral tarixində Estoniyanın Narva şəhərində keçirilən XIII Beynəlxalq Şopen Müsabiqəsində “Qran-pri”-yə layiq görüldü.

***

Martın 9-da Avstriyanın Baden şəhərində Azərbaycanın Əməkdar artisti, pianoçu və bəstəkar İsfar Sarabski və qrupu konsert proqramı ilə çıxış etdi.

***

Prezident İlham Əliyev Şəfiqə Məmmədovanı 1-ci dərəcəli “Əmək” ordeni ilə təltif etdi.

***

Xalq artisti Niyaməddin Musayev 2-ci dərəcəli “Əmək” ordeni ilə təltif edildi.

**

“Mücrü” jurnalı təsis edildi.

***

Kann Film Festivalı 2021-ci ilə qədər təxirə salındı

***

Bakı Media Mərkəzi və “Buta Film” şirkətlərinin birgə istehsalı olan “Suğra və oğulları” filmi çəkildi.

***

Əbülfəs Qarayev Mədəniyyət naziri vəzifəsindən azad edildi.

***

“Oskar” mükafat gecəsi koronavirus səbəbilə 2021-ci ilin 25 aprel tarixinə ertələndi.

***

Anar Kərimov Mədəniyyət nazirinin birinci müavini təyin edildi.

***

Azərbaycan kino tarixində ilk dəfə Venesiya Film Festivalında “Qızıl Şir” mükafatı uğrunda yarışacaq filmlər sırasına azərbaycanlı rejissor Hilal Baydarovun quruluş verdiyi “Səpələnmiş ölümlər arasında” filmi yer aldı.

***

Mədəniyyət Nazirliyinin aparat rəhbəri Fikrət Babayevi öz ərizəsi ilə işdən azad edildi.

***

Mədəniyyət Nazirliyinin Kinematoqrafiya şöbəsinin müdiri, rejissor Rüfət Həsənovun “Daxildəki ada” filmi 26-cı Sarayevo Film Festivalında qalib oldu.

***

“Aranfilm” Yaradıcılıq Mərkəzi fəaliyyətini dayandırdı

***

UNESCO 18 noyabr tarixini “Beynəlxalq İslam Mədəniyyəti Günü” elan etdi

***

V Buktreyler Festivalının qalibləri mükafatlandırıldı

***

Şəhid Xudayar Yusifzadənin oxuduğu təsnifə onun adı verildi.

***

Türk Dünyasının Mahnı Müsabiqəsi "Türkvizyon-2020"nin qalibi ukraynalı müğənni Natalya Papazoğlu oldu.

***

Elmar Bayramovun "Let me run" ("İzn ver qaçım") qısametrajlı filmi Londonda keçirilən "Fighting Spirit Film" beynəlxalq kinofestivalında "Ən yaxşı xarici film" mükafatına layiq görüldü.

***

Mənsum İbrahimov "Şərəf" ordeni ilə təltif edildi.

***

Bütün dünya – o cümlədən ədəbiyyat və mədəniyyət dünyası Covid-19 pandemiyasından xeyli zərər gördü. Bir çox tədbirlər təxirə salındı, bir çoxu onlayn həyata keçirildi, bir çox insanlar virusa yoluxdu, bəziləri dünyasını dəyişdi.

Ümid edirik Yeni 2021-ci il – sənəd cameəsi də daxil hamı üçün uğurlu il olacaq!

Yeni iliniz mübarək!

• Rəhman Rəhmanov: "Ayağım çürüyürdü"
• Meyxananı göz bəbəyi kimi qorumaq lazımdır!
• İstanbul Beynəlxalq kitab fuarından qayıdan “Fəxri qonağ”ın əhvalatı