“Səkkiz gün öncə Covid-19 virusuna yoluxdum. Ən pis forması olan “Delta” ştammına. Başım ağrıyırdı, üşüdürdüm”.

Bu barədə Xalq yazıçısı Çingiz Abdullayev öz Feysbuk profilində paylaşım edib. O, həmçinin bildirib ki, koronavirus əleyhinə peyvənd olunduğu üçün xəstəliyi yüngül formada keçirib:

“Mən dörd ay əvvəl iki peyvənd vurdurmuşam, Avropadan sifariş etdiyim dərmanları, vitaminləri qəbul eləmişəm. Nəticədə mən öz xəstəliyimi demək olar ki, heç hiss etmədim. Əlbəttə ki, karantin rejiminə əməl edirəm. Saturasiya 97-98 faizdir, qızdırmam olmayıb, öskürək yoxdur, demək olar ki, bütün iyləri hiss edirəm. Mənim sizə məsləhətim – öz sağlamlığınız haqqında düşünün, peyvənddən imtina etməyin... Mən bütün ömrüm boyu bir dənə də siqaret çəkməmişəm, spirtli işkilər içməmişəm, gəncliyimdə idmanla məşğul olmuşam. Bir qayda olaraq futbolda üç-dörd saat ayaq üstə oluram. Bu artıq sağlamlıq məsələsidir. Xəstələnmək olar, amma ölməməlisən. Xəstəliyi ağır keçirmək də çətindir. Piylənmənin də təsiri ola bilər. Mən 1,87 boyumla uzun illərdir ki, 94-97 kiloqram çəkidəyəm. Ümumiyyətlə, “xəstələnməyin” – demək olmaz. Bu yoluxucu xəstəlik hər bir kəsi yaxalaya bilər. Narahat olduğunuz üçün hamınıza təşəkkür edirəm. Sağlam olun!”

• Prezident təqaüdü və fəxri ad alanların müavinəti artırıldı
• Azərbaycanlı yazıçı-şairləri hər fürsətdə alçaltmağa çalışanların məqsədi nədir? - Vüqar Van
• "Sənətkarlar bəzən dissident kimi çıxış edirlər" - Rəvan Cavid