31 dekabr - El Romanın şeiri

31 dekabr - El Romanın şeiri
31 dekabr 2020
# 11:57

Kulis.az El Romanın "31 dekabr" şeirini təqdim edir.

Pəncərəm nağıl danışır gözlərimin içinə,
Yanağım yalan danışır
otağımın peçinə.
Qocalar sahib çıxacaq yetim qarışqalara,
Qozalar yolka olacaq
bütün qarışqalara.

Bu gün ilk dəfə yanacaq
içim də çölüm kimi.
Dostum Hamletə dönəcək
"Olum, ya ölüm" kimi-

Sonra olum qarışacaq yenə ölüm gününə,
Sonra ilk dəfə yanacaq
halvanın üstündə şam.
Sonra Oqtay deyəcək ki, hanı mənim Allahım?!
Bir Allah dağdan enəcək,
deyəcək, qayıtmışam.

Qozalar yolka olacaq bütün qarışqalara,
Bir də həmin yolkaları
bəzəyəcək monpası.
Bu gün ilk dəfə yanacaq Atəşgahın alovu,
Bu gün ilk dəfə sönəcək
Edissonun lampası.

Bir qız kəsəcək küçədə Trumanın önünü,
Atasının çiynindəki
üç ulduzun xətrinə.
Birdən-birə bərk dolacaq Trumanın gözləri
Müharibə dayanacaq
həmin qızın xətrinə.

Qəfil intihar düşəcək ürəyimə bu dəmdə
Qaldıracam boş badəni,
deyəcəm ki, mənəm də...
Bir dəfə ölmək seçəcəm on dəfə ölməməkçün
Bir təsəlli axtaracam
son dəfə ölməməkçün.

Əlimdə ip, zəng edəcəm mayyalı bir dostuma.
Şükr edəcəm Allaha ki,
kömək edən biri var.
Dəstəyin o tərəfindən deyəcək ki,
"ağlama,
onsuz da dünya dağılır,
intiharın yeri var?"

# 2504 dəfə oxunub

Oxşar xəbərlər

"Bil ki, gorum çatlayar onda" - Səməd Vurğun Yusif Səmədoğluna nə vəsiyyət etmişdi?

"Bil ki, gorum çatlayar onda" - Səməd Vurğun Yusif Səmədoğluna nə vəsiyyət etmişdi?

15:00 9 sentyabr 2025
"Anamdan əmdiyim süd geri qayıtdı" - Həmid Herisçi Anara şeir həsr etdi

"Anamdan əmdiyim süd geri qayıtdı" - Həmid Herisçi Anara şeir həsr etdi

11:26 9 sentyabr 2025
Təcrid, qaranlıq, dəmir barmaqlıqlar... - Həbsxanada yazılan əsərlər

Təcrid, qaranlıq, dəmir barmaqlıqlar... - Həbsxanada yazılan əsərlər

09:00 9 sentyabr 2025
Üzeyir Hacıbəylinin ölümündə günahkar Bülbül və Niyazi idi? - Tarixi faktlar

Üzeyir Hacıbəylinin ölümündə günahkar Bülbül və Niyazi idi? - Tarixi faktlar

12:00 8 sentyabr 2025
Təhlükəli ipucları - Faruk Ulayın hekayəsi

Təhlükəli ipucları - Faruk Ulayın hekayəsi

15:00 7 sentyabr 2025
Öpüşümlə dərərəm barmaqlarını bir-bir – Emin Pirinin şeirləri

Öpüşümlə dərərəm barmaqlarını bir-bir – Emin Pirinin şeirləri

13:22 7 sentyabr 2025
#
#
Ana səhifə Yazarlar Bütün xəbərlər