Bu mövsümün ən ayrılmaz hissələrindən biri dənizdir. Dənizdə qadınların ən çox geyindiyi geyim isə bikinidir.

Gəlin bikininin 65 illik tarixinə nəzər yetirək.

Bəzilərinin əxlaqsız, bəzilərininsə əncir yarpağından bu yana dünyanın ən inqilabi geyimi olaraq qiymətləndirdiyi bikininin yarım əsrdən böyük bir tarixi var. İki parçalı bu çimərlik geyimi ilk dəfə fransız mühəndis Luis Reard tərəfindən hazırlanıb.

Ancaq mühəndis Reard hazırladığı bikinini təqdim etmək üçün uzun müddət model tapa bilməyib. Həmin dövrün modellərindən heç biri bədənini tamamən göstərən bu geyimi nümayiş etdirməkdən imtina edib.

Nəhayət, mühəndis striptizçi tapıb 5 İyul 1946-cı ildə Parisdəki “Molitor” hovuzunda bikini tanıdıb.

İlk ortaya çıxdığı illərdə mühafizəkarların “Analarının qızlıq soyadından başqa qadının hər şeyini göstərən geyim” deyə tənqid olunub. Maraqlı məqam budur ki, elə mühəndis Reard bikinini anasının alt paltarları dükanından təsirlənərək yaradıb. Adi bir maykanın aşağı hissəsini kəsərək göbək hissəni açıq qoyan Reard beləcə maraqlı bir geyimi kəşf edib.

Bikini adı isə Sakit okeanda yerləşən eyni adlı ada ilə bağlıdır. Belə ki, nümayişindən 5 gün əvvəl ABŞ Bikini adasında nüvə sınaqları həyata keçirib. Rəvayətə görə, bu bir oxşarlıqdır. O illərdə də cazibədar qadınlara “bomba”, “atom” kimi oxşatmalarla müraciət olunurmuş.
Bikini kimi cəsur bir geyim geyən qadın da atom bombası effekti yaradırdı. Reard da bu kəşfini nüvə sınaqlarının Bikini adasında yaratdığı partlayış yaradacağına ümid edirdi və gözlədiyi də olub.
Bikini bomba kimi partladı! Mişel Bernardini kimi cəsur qadınların geydiyi bikiniyə Vatikan münasibət göstərib. Fransanın bəzi bölgələrində bu geyi qadağan olundu.

Ancaq çox tezliklə bikini avropalı qadınların sevimli geyiminə çevrilir.

Günel ƏSGƏRZADƏ

• Elnur Mehdiyev: "Əlixanın filmində pedofillik var" - Müsahibə
• “Uzaq sahillərdə” filmi Berlində bərpa olunub
• "Belə hekayələrin yazılmasına ehtiyac var" - Müzakirə