Adəmin qadağan olunmuş almanı yeməsi

Dini kitablarda Adəmin cənnətdən qovulması qadağan olunmuş almanı yeməsi ilə izah olunur. Allah insana cənnətdə yaşamağa bir şərtlə icazə verir: bu ağacdakı almanı yeməyin. Həvvanın inadı ilə Adəm almanı yeyir. İnsan qapalı, qadağan olan bir şeyin gizliliyinə şirnikir və onu etməyə meyllənir. O almanı yemək qərarı, şübhəsiz alınmış ən səhv qərardır.

“Troya atı”

E.ə 12-ci minillikdə bir-biriləri ilə münaqişədə olan yunanlılar və troyalılar qarşı-qarşıya gəlir. Yunanlılar şəhəri iki həftə mühasirədə saxlayır. Ancaq troyalılar təslim olmurlar. Yunanlılar sonunda taxtadan at düzəldib içində gizlənər və atı da Troyanın qapısına qoyar. Yunanlıların təslim olduğunu düşünərək hədiyyəni qəbul edirlər. “Troya atı” haqqında olan hadisənin sonu hər kəsə məlumdur...

1173: Piza qalası əyridir

Avropanın turistik mərkəzlərindən sayılan Piza qalası əslində, memarın yanlış bir qərarına görə əyridir. Memarının adı bilinməsə də, proyektdə vacib bir ölçü xətasının olması aydındır. 50 metrlik qüllə az qala “Mən səhv bir qərarın nəticəsiyəm” deyərək dünyaya yan baxır.

1771: Los Ancelesin kəşfi

İspan missioner Cunipero Serra 1771-ci ildə bugünkü Los Anceles torpaqlarına gəlib buraya insan köçünün başlamasına səbəb olub. Ancaq çətin ki, Serra şəhərin indiki halını düşünə bilərdi. Los Ancelesi görən Serra burada missionerlik fəaliyyətinə başlayıb.

1912: Batar, ya batmaz?

Suya endirilmiş ən böyük gəmi Titanik də “səhv qərar”ın qurbanı olub. Transatlantik buzdağına çırpılıb ikiyə bölünəndə məlum olmuşdu ki, kifayət qədər xilasetmə jileti və qayıq olmayıb. Gəmidə əsas problem kapitanın gec duyuq düşməsində deyil, gəminin düzəldilməsi zamanı buraxılan xətalarla bağlı olub. Gəmidə ən az təhlükəsizlik məsələlərinə diqqət yetirilibmiş.

1920: Qanunlar onları pozmaq üçündür

Birinci Dünya müharibəsindən sonra başlayan böhrandan depressiyaya düşən amerikalılar içki və əyləncəyə qurşanır. Vəziyyəti aradan qaldırmaq üçün dövlət alkoqolu qadağan edir. 1920-ci ildə alınan bu qərar ölkədə vəziyyətə pisə doğru dəyişir: ölkədə daha çox alkoqol istifadə olunmağa başlayır, gizli də olsa, əyləncə davam edir. Üstəlik bu vəziyyət iqtisadiyyata daha pis təsir göstərir. 20-ci illər bütün dövrlərin ən alkoqollu illəri olaraq tarixə düşür və yalnız böhranın 1933-cü ildə qalxması ilə birlikdə sona yetir. Demək, bir şeyi qadağan etmək pis bir qərardır.

1962: “Bitlz”ı rədd etmək?

O zamanlar “Decca Records” şirkəti “Bitlz” qrupunun 15 mahnıdan ibarət səs yazılarını “gitara dınqıltısı” adlandıraraq rədd edib. “Bitlz” da mahnılarını “Parlophone” adlı səsyazma şirkətinə verir. Beləcə, qrup sonradan “İsadan belə məşhur” olurlar. Yəqin ki bu vəziyyətdə ən çox peşman olan “Decca Records” şirkətinin rəhbəri olub.


Günel ƏSGƏRZADƏ

• Vətən Müharibəsindən bəhs edən filmlərə nə qədər pul ayrılıb? - Açıqlama
• Azərbaycanlı qadınlar üçün xəncər uşaq oyuncağıdır - Məşhur yazıçını Bakıda kim qarşılamışdı?
• BMU-da “Oxu, yarat, ilham al!” mövzusunda tədbir təşkil olundu