Ancelina Coli Türkiyəyə gəlir

Sənət

Ana səhifə
Sənət

Ancelina Coli Türkiyəyə gəlir - FOTO

17 iyun 2011

13:09

Sabah BMT-nin Xoşməramlı səfiri Ancelina Coli Türkiyədə suriyalıları ziyarət edəcək.

BMT-nin Xoşməramlı səfiri Ancelina Coli sabah Türkiyənin Hatay vilayətində yerləşmiş suriyalıların çadır düşərgəsinə baş çəkəcək. Aktrisanın səfəri ilə bağlı bölgədə bütün otellər dolub.

Sonuncu dəfə Liviya-Tunis sərhədini ziyarət edən aktrisa 10 illik fəaliyyətində 36 ölkəyə baş çəkib. Bu dəfə də Colinin suriyalı qaçqınlara maddi və mənəvi dəstəyini əsirgəməyəcəyi bildirilir.

Yerli və xarici medya nümayəndələri canlı yayım maşınları ilə artıq Hataydadırlar.

Bölgədəki bütün otellər jurnalistlər və Coli pərəstişkarları ilə dolub.

Düşərgəyə gələn Suriyalıların sayı isə getdikcə artaraq 9 mini ötüb. Çadırdakı qaçqınlar üçün hər cür şərait yaradılıb: yataqlar, paltaryuyan maşınlar, uşaq parkı, məscid, televizor, gündə üç dəfə yemək, günboyu isti su və s. Bundan əlavə uşaqlı ailələrə uşaq yeməkləri, süd, uşaq bezləri paylanıb.

Günel ƏSGƏRZADƏ

Fotolar Ancelina Colinin müxtəlif sülhməramlı səfərlərində çəkilib.