MİRAS İctimai Birliyi və Ağsu arxeoloji ekspedisiyası iyun ayının 11-də Ağsu şəhərində KİV nümayəndələri üçün “Ağsuda aparılan arxeoloji tədqiqatların ən yeni nəticələri” və “Şirvan Xəzinəsinə Aparan Yollar” mədəni irs turlarının təqdimatına həsr olunmuş geniş brifinq keçirdi.
Jurnalistlər “Şirvan Xəzinəsinə Aparan Yollar” mədəni irs turlarının marşurutuna daxil olan Qobustan şəhərindəki XV əsrə aid Diri Baba türbəsini ziyarət etdilər.
Daha sonra müasir muzey standartları səviyyəsində əsaslı şəkildə yenidən qurulmuş Şamaxı rayon Tarix Diyarşünaslıq Muzeyi jurnalistlərə təqdim olundu.
Şamaxıdan sonra media nümayəndələri orta əsr Ağsu şəhər yerində oldu.
Burada KİV nümayəndələri aparılan arxeoloji qazıntılarla, bərpa və konservasiya işləri ilə tanış olub, arzu edənlər qazıntı prosesinə qoşuldular.
Ağsu arxeoloji ekspedisiyasının rəisi, tarix elmləri doktoru, professor Qafar Cəbiyev Ağsuda aparılan arxeoloji qazıntıların Azərbaycanın xanlıqlar dövrü tarixinin bir sıra problemlərinin, xüsusilə də orta əsr şəhər mədəniyyəti probleminin dərindən və hərtərəfli araşdırılması üçün mühüm elmi əhəmiyyət kəsb etdiyini dedi.
MİRAS Mədəni İrsin Öyrənilməsinə Kömək İctimai birliyinin sədri, tarix elmləri namizədi Fariz Xəlilli orta əsr Ağsu şəhəri tədqiqatlarının arxeoloji turizm layihəsi çərçivəsində aparıldığını, tədqiq olunmuş sahənin üzərinin örtüldüyünü, tikili və materialların konservasiya edildiyini, şəhərin üçölçülü variantının hazırlandığını bildirdi.
Abidə ilə tanışlıqdan sonra Ağsu dolaylarındakı “Mingəçevir restoranı”nda geniş ziyafət oldu.
Lent.az saytı Mədəni İrsin təbliğində göstərdiyi köməyə görə MİRAS İctimai Birliyinin dostu fəxri diplomuna layiq görüldü.
Elmin HƏSƏNLİ
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
"Arxada qalan onilliklər artıq sənin deyil..." - Məşhur "Time" necə yarandı?
13:00
1 noyabr 2026
Darıxdırıcı axşamlarda purosunu tüstülədən taxta adamlar - Tadeuş Makovskiyin məşhur əsəri
12:00
1 noyabr 2026
Səməd Vurğun haqqında donos yazmağa məcbur edilən Xalq yazıçısı - Onu niyə vəzifədən uzaqlaşdırdılar?
16:00
28 oktyabr 2026
"İrəvanda xal qalmadı" mahnısı necə yarandı? - TARİXÇƏ
15:00
28 oktyabr 2026
Bağırovun evlilik təklifini rədd edən, vərəmdən qurtulan, repressiyadan xilas ola bilməyən Xədicə Qayıbova
10:00
27 oktyabr 2026
Abşeron damları, unudulmuş bayatı vizuallığı, qürub ekspressionizmi... - Fərhad Xəlilovun məşhur tabloları
15:00
26 oktyabr 2026
Ana səhifə
Reels
Yazarlar
Xəbərlər