Bakıda Qazaxıstan Mədəniyyət Günləri başlayır

Bakıda Qazaxıstan Mədəniyyət Günləri başlayır
19 noyabr 2012
# 12:31
Bu gün Azərbaycanda Qazaxıstan Mədəniyyət Günlərinə start verilir. APA-nın məlumatına görə, mədəniyyət və turizm naziri Əbülfəs Qarayev Mədəniyyət Günləri çərçivəsində ölkəmizdə səfərdə olan Qazaxıstanın mədəniyyət və informasiya naziri Mınbay Darxan Kamzabekulının rəhbərlik etdiyi nümayəndə heyəti ilə görüşüb.

Görüşdə çıxış edən mədəniyyət və turizm naziri Əbülfəs Qarayev bildirib ki, keçən il Qazaxıstanda keçirilən Azərbaycan Mədəniyyət Günləri çox yüksək səviyyədə baş tutub: “Hər iki ölkə arasında mədəni əlaqələr mövcuddur. Bununla yanaşı, turizm sahəsində əlaqələrimiz mövcuddur. Belə son 1 il ərzində Qazaxıstandan ölkəmizə gələnlərin sayı 10 min nəfər artıb”. Qazaxıstanla elektron kitab mübadiləsi sahəsində əməkdaşlığın artırılmasının labüd olduğunu deyən nazir həmkarına gələn ilin 29 may - 1 iyun tarixində Azərbaycanda II Beynəlxalq Mədəniyyət Forumu keçiriləcəyini xatırladıb. Qazaxıstanın mədəniyyət və informasiya naziri Mınbay Darxan Kamzabekulı, hər iki ölkənin mədəniyyət münasibətlərinin qədim köklərə söykəndiyini qeyd edib. Mınbay Darxan onu da vurğulayıb ki, Azərbaycan son zamanlar beynəlxalq əhəmiyyətli tədbirlərə ev sahibliyi edir ki və bu təqdirə layiqdir: “Hər iki ölkənin mədəniyyət infrastrukturunu dünya standartlarına cavab verməsi üçün bundan sonra da işləri davam etdirmək lazımdır”.

Qazaxıstan Mədəniyyət Günləri prezident İlham Əliyevin imzaladığı "Azərbaycan Respublikası Hökuməti və Qazaxıstan Respublikası Hökuməti arasında mədəniyyət, elm və turizm sahəsində uzunmüddətli əməkdaşlıq haqqında" proqramına əsasən həyata keçirilir.

Bu gün Azərbaycan Dövlət Akademik Opera və Balet Teatrında Qazaxıstan Mədəniyyət Günlərinin təntənəli açılış mərasimi keçiriləcək və teatrın foyesində fotosərgi təşkil olunacaq. Fotosərginin açılışı saat 18:30-da, təntənəli konsert isə saat 19:00-da başlanacaq.
# 1274 dəfə oxunub

Oxşar xəbərlər

Çiyələk - Günün lətifəsi

Çiyələk - Günün lətifəsi

09:00 12 iyul 2024
"Bəxtiyar Vahabzadənin şeirləri ədəbiyyatdan uzaqdır" - Emil Rasimoğlu

"Bəxtiyar Vahabzadənin şeirləri ədəbiyyatdan uzaqdır" - Emil Rasimoğlu

21:00 11 iyul 2024
Füzuli və Mikelancelonun bir-birinə ehtiramı - Eşq, yoxsa Eros?!

Füzuli və Mikelancelonun bir-birinə ehtiramı - Eşq, yoxsa Eros?!

12:00 10 iyul 2024
Yazıq Əhməd, yazıq Əhməd... - Nadir Yalçının yeni şeirləri

Yazıq Əhməd, yazıq Əhməd... - Nadir Yalçının yeni şeirləri

12:00 9 iyul 2024
Ulucay buna nail olmağa çalışıbsa, təəssüflə deməliyəm ki... - Xəyyam Rəfili

Ulucay buna nail olmağa çalışıbsa, təəssüflə deməliyəm ki... - Xəyyam Rəfili

09:00 9 iyul 2024
Doğulduğu gün ölənlər - İnsan nə vaxt qocalır?

Doğulduğu gün ölənlər - İnsan nə vaxt qocalır?

12:00 30 iyun 2024
# # #