“Molla Qeybulla” Moskvada

Sənət

Ana səhifə
Sənət

“Molla Qeybulla” Moskvada

29 oktyabr 2012

13:38

Azərbaycan yazıçısı Atababa İsmayıloğlunun “Molla Qeybullanın sərgüzəştləri” silsiləsindən beş miniatürü Moskvada nəşr olunan “Literaturnaya qazeta”nın yenicə çapdan çıxmış 42-ci nömrəsində dərc edilib.

AzərTAc xəbər verir ki, qəzetin məşhur “12 stul” səhifəsində işıq üzü görən satira və yumoryönlü yazılara redaksiya tərəfindən yazılan “Ön söz”də deyilir: “Azərbaycan yazıçısı, xeyli kitabın müəllifi Atababa İsmayıloğlunun qəhrəmanı Molla Qeybulla onun təxəyyülünün məhsuludur. Bu personaj müxtəlif ölkələrin folklorundan bəlli olan hazırcavab və məzəli qəhrəmanların mənəvi qohumudur. Göründüyü kimi, lətifəyə bənzəyən bu qısa əhvalatlarda hadisələr aforizmlə sona çatır “.

Müəllifin Bakı Musiqi Akademiyasının dosenti Arzuxanım Əlizadənin tərcüməsində təqdim olunan “Şirin çay”, “Sıxıb qurudandan sonra”, “Mənim üçün bəzənsən”, “Hansı yönlü”, “Kürəyini borc versəydin” adlı məzəli miniatürlərində cəmiyyətdə baş verən ictimai-sosial hadisələr bədii vasitələrlə, obrazlı dillə verilir.

Bu miniatürlər müəllifin həmin qəzetdə ikinci çıxışıdır. “Literaturnaya qazeta”nın bu ilki 30-cu nömrəsində azərbaycanlı müəllifin “Sənətkar” yumoristik novellası “Şıltaq qələm” adı ilə dərc olunub.