Sənət

Bu səhvləri heç zaman buraxmayın

Bu səhvləri heç zaman buraxmayın
25 sentyabr 2012
# 04:00
İşə vaxtında gəlib-gedirsiniz, fəalsınız, bacarıqlısınız. Buna baxmayaraq adi bir “Facebook” şəkli, bir “Twitter” qeydi, yaxud “Foursquare”də yerinizi bildirmək karyeranıza pis təsir edə bilər. Ona görə də, sosial media ilə ehtiyatlı davranmalısınız. Kulis.az bununla bağlı maraqlı məsləhətləri təqdim edir:

1. Hər şəklinizi “Facebook”da paylaşmayın

Bu məsləhətdən əvvəl zəruri bir qeyd: Çalışın çox az sayda iş yoldaşınızla Facebookda dost olasınız. İnsanlar karyera, yüksəliş naminə ən xırda səhvinizi belə sizə qarşı istifadə edə bilər. Xüsusən də yaxşı olmayan pozada və yerdə olan şəkillərinizdən ehtiyat edin. Bir də gördünüz, səhər işə gələndə hamı axşam spirtli içki içə-içə çəkdirdiyiniz şəkillərdən danışır.

2. “Twitter”də gördüyünüz hər sayta daxil olmayın

Aydın məsələdir ki, əksər müəssisələrdə bütün işçi kompyuterləri vahid serverə bağlı olur, yəni sizin nə etdiyinizi, hansı sayta baxdığınızı müdiriniz rahatlıqla görə bilir. “Twitter”də 140 işarəlik “Havalar hələ oktyabra qədər isti olacaq” kimi bir xəbəri açmaq istəyəndə, porno sayt açıla bilər. İş stajınız, təhsiliniz, reputasiyanızı 140 işarəyə qurban verməyin.

3. “Foursquare”də hər yeri “check”-in etməyin

Tutaq ki səhər işə gecikdiniz, nə deyəcəksiniz? Avtomobil xarab olmuşdu, tıxac idi, evin açarlarını anama verməli idim… Ancaq axşam hansısa barda, “pub”da “check”-in etmisinizsə, çətin ki səhər kimsə sizə inanar. Hələ “xəstələnmişəm” deyib işə gəlməsəniz, daha betər! Hamı biləcək ki, axşamkı içkinin təsirindən hələ də çıxa bilməmisiniz.

4. Sosial şəbəkələrdəki hesablarınızın şifrəsi eyni olmasın

Böyük ehtimalla, Gmail, Facebook, Twitter, Foursquare, İnstagram hesablarınızın şifrələri eynidir. Çox pis! Təsəvvür edin, biri əgər hansısa hesabınızı qırırsa, avtomatik o birilərə da daxil ola bilər. Göz görə-görə özünü oda atmaqdı bu.

5. Müdirinizlə Facebookda dost olmayın

Nə badə!

Rəna NEVZAT
# 3206 dəfə oxunub

Oxşar xəbərlər

Təbiətin ramedilməz enerjisinin kətanda təsviri - Moris de Vlamnikin məşhur əsəri

Təbiətin ramedilməz enerjisinin kətanda təsviri - Moris de Vlamnikin məşhur əsəri

13:30 11 oktyabr 2026
"Dünənki adamın yarısı belə deyiləm..." - Məşhur "Yesterday" necə yarandı?

"Dünənki adamın yarısı belə deyiləm..." - Məşhur "Yesterday" necə yarandı?

11:30 11 oktyabr 2026
"Hindli həyatını məhz Qərb formasında nəql etmək..." - "Gecəyarısı uşaqları"nı niyə oxumalıyıq?

"Hindli həyatını məhz Qərb formasında nəql etmək..." - "Gecəyarısı uşaqları"nı niyə oxumalıyıq?

12:00 9 oktyabr 2026
"Bir adətin ənənəviliyi onun yaxşılığına dəlalət etmir..." - Harriet Teylor Mill kim idi?

"Bir adətin ənənəviliyi onun yaxşılığına dəlalət etmir..." - Harriet Teylor Mill kim idi?

16:00 8 oktyabr 2026
İtalyan rəssamın sevgilisindən ilhamlanıb çəkdiyi tablo - "Məryəm iki mələk ilə"

İtalyan rəssamın sevgilisindən ilhamlanıb çəkdiyi tablo - "Məryəm iki mələk ilə"

14:00 8 oktyabr 2026
Səhnədə üsyan, mağazada moda – Qranj necə özünə xəyanət etdi?

Səhnədə üsyan, mağazada moda – Qranj necə özünə xəyanət etdi?

18:40 6 oktyabr 2026
#
#
Ana səhifə Reels Yazarlar Xəbərlər