Xurşidbanu Natəvanın 180 illik yubileyi keçirələk

Sənət

Ana səhifə
Sənət

Xurşidbanu Natəvanın 180 illik yubileyi keçirələk

12 sentyabr 2012

15:16

Prezident İlham Əliyevin 2012-ci il 3 aprel tarixli Sərəncamına əsasən, sentyabrın 14-də Beynəlxalq Muğam Mərkəzində Azərbaycanın görkəmli şairəsi Xurşidbanu Natəvanın 180 illiyinə həsr olunmuş təntənəli yubiley mərasimi keçiriləcək.

Mədəniyyət və Turizm Nazirliyindən AzərTAc-a bildiriblər ki, tanınmış elm və mədəniyyət xadimlərinin, incəsənət ustalarının və digər ədəbiyyatsevərlərin qatılacaqları zəngin proqrama malik tədbirdə şairənin həyat və fəaliyyətindən söz açılacaq, ona həsr olunmuş səhnə və ekran əsərlərindən parçalar nümayiş ediləcək. Eyni zamanda, görkəmli qələm ustasının sözlərinə bəstələnmiş musiqi əsərləri, o cümlədən muğam üçlüyünün ifasında nümunələr səslənəcək, bədii qiraət ustalarının ifasında onun şeirləri oxunacaq.