“Türk dünyası şairlərinin otağı” muzeyi yaradılır

Sənət

Ana səhifə
Sənət

“Türk dünyası şairlərinin otağı” muzeyi yaradılır

3 avqust 2012

12:59

“Türk dünyası şairlərinin otağı” muzeyinin yaradılması üçün ciddi işlər görülür vı müzakirələr aparılır. Bu məlumatı Kulis.az saytına Azərbaycan Yazıçılar Birliyinin mətbuat katibi Ədalət Əsgəroğlu verib.

Ədalət Əsgəroğlu bildirib ki, muzeyin yaradılması ilə bağlı bu gün Yazıçılar Bilriyində görüş keçirilib.

Mətbuat katibinin sözlərinə görə, Yalova Bələdiyyəsi sədrinin məsləhətçisi Şəmsəddin Şəkər, sənət tarixçisi Asiyə Karabulud və memar Aydın Avçı Yazıçılar Birliyinin sədri Anarla görəşərək bu mövzuda müzakirə aparıblar.

Şəmsəddin Şəkər məlumat verib ki, Türk dünyası şairlər otağı” muzeyinə 40 şair daxil olacaq. Muzeydə Azərbaycanın 4 istiqlal şairi- Hüseyn Cavid, Əhməd Cavad, Bəxtiyar Vahabzadə və Məhəmmədhüseyn Şəhriyarın həyat və yaradıcılığı ilə bağlı materiallar olacaq.

Anar muzeyin yaradılması ideyasını çox bəyəndiyini bildirib.