Pulitzer qalibləri açıqlandı

Sənət

Ana səhifə
Sənət

Pulitzer qalibləri açıqlandı

19 aprel 2011

14:07

ABŞ ədəbiyyatı və jurnalistikası üçün ən önəmli mükafatlardan sayılan Pulitzerin qalibləri açıqlanıb. Bu il qızıl medala sahib olan isə The Los-Anceles Tayms qəzeti olub.
Los Anceles Tayms “Cəmiyyətə xidmət” nominasiyası üzrə qızıl medala layiq görülüb. Mükafat qəzetin Kaliforniyanın Bell adlı şəhərində korrupsiya əməliyyatının üstünü açmağına görə verilib. Hazırlanan reportajdan sonra aidiyyatı orqanlar maraqlanıb və korrupsionerləri həbs ediblər.
Los Anceles Taymsın ikinci mükafatı isə “Fotoreportaj” kateqoriyasında olub. Fotoqraf Barbara Devidsonun reportajı Los-Anceles küçələrində qanqster döyüşlərinin qurbanları haqda olub.
Digər nominasiyalar üzrə Bloomberq News, Wall Street, Nyu-York Tayms, Vaşinqton Post qəzetlərinin jurnalistləri də mükafatlanıblar.
Nyu-York Tayms da iki nominasiya üzrə qalib olub: “Beynəlxalq reportaj” və “Şərhlər”.
Qeyd edək ki, Pulitzer ABŞ-ın ən prestijli mükafatlarından sayılır. Bu mükafatın alanlar arasında Uilyam Folkner, Ernest Heminquey, Artur Miller, Harper Li və həmçinin Bob Dilanın adına rast gəlmək olur.