Azərbaycanlı musiqiçilər “Şərq bazarı” festivalında

Sənət

Ana səhifə
Sənət

Azərbaycanlı musiqiçilər “Şərq bazarı” festivalında

23 sentyabr 2011

09:35

Bu musiqi bayramında ölkəmizi Mədəniyyət və Turizm Nazirliyinin dəstəyi ilə bəstəkar Vüqar Camalzadə və müğənni Ayaz Qasımov təmsil edəcəklər.

Kulis.az AzərTAc-a istinadən bildirir ki, Azərbaycanlı musiqiçilər səhnəyə sentyabrın 24-də çıxacaqlar. Onlar festival iştirakçılarına “Sarı gəlin”, “Süsən sünbül” xalq mahnılarını, C.Cahangirovun “Ay qız”, Ş.Axundovanın “Mehriban olaq” mahnılarını, eləcə də milli rəqslərimizdən ibarət kompozisiyaları təqdim edəcəklər.

Dünyanın 30-dan çox ölkəsindən musiqiçilərin iştirak etdiyi müsabiqənin məqsədi Avropa ölkələri arasında mədəni əməkdaşlığın möhkəmləndirilməsi, estrada müğənniləri vasitəsilə Şərq və Qərb musiqisinin vəhdətinə nail olmaqdır.

Peşəkar münsiflər heyəti tərəfindən qiymətləndiriləcək festival sentyabrın 26-dək davam edəcəkdir.

“Şərq bazarı” beynəlxalq televiziya müsabiqəsi ilk dəfə 2005-ci ildə Yevpatoriyada keçirilib.