LAYİHƏ: Kulis.az tanınmışlardan standart suallarla kitab haqqında müsahibələr alır.


Müsahibimiz vəkil Adil İsmayılovdur


- Heç kitab oğurladınızmı?

- Bu bir az çətin sualdır. Yaxşı fikirləşsəm bəlkə yadıma düşər.

- Kitabxananızda sevmədiyiniz yazarların kitabı varmı?

- Yəqin ki var, ona görə ki vaxtilə kitabxana yaradanda təkcə sevdiklərimiz olmurdu ki, orada.

- Həyatınızın bir kitab olmasını, ya da bir kitabda yaşamaq istərdinizmi?

- Belə götürəndə həyatımız onsuz da kitabdır. Yaşayışımızda kitab kimidir elə.

- Məktəbdə, universitetdən dərs kitablarınız dururmu?

- Universitetdən müəyyən kitablarım qalır. Amma məktəbdən yox, heç nə qalmayıb.

- Birinci sinfə gedəndə yazı oxumağı çox sevirdiniz, yoxsa yazı yazmağı?

- Birinci sinfə gedən adam hər halda yəqin ki yazmaqdan qabaq oxumağa başlayar, hərfləri öyrədib sonra yazdırırlar. Mən birinci sinfə gedəndə həm yazırdım, həm oxuyurdum.

- Kitab oxuyanda qaldığınız yeri işarələmək üçün nə edirsiniz?

- Baxır kitaba. Bəzisində vərəq qoyursan arasında, bəzisində isə kitablar üçün xüsusi alətlər var ki ondan istifadə edirəm. Olub ki, qatlamışam kitabın vərəqini.

- Əzbərinizdə neçə şeir var? Bəs kitabxananızda?

- Şeir kitabları var kitabxanamda. Əzbərimdə bildiyim şeirlər də var. Mən şeir həvəskarı deyiləm. Belə götürəndə yaddaşım yaxşıdır, istəsəm istənilən şeiri hafizəmdə saxlaya bilərəm. Ümumiyyətlə əzbərçi olmamışam.

- İlk oxuduğunuz kitab yadınızdadır?

- Çətin olar, amma hər halda nağıl kitabı olardı.

- Bir fəlsəfə kitabını başdan sona qədər oxudunuzmu?

- Olub yəqin ki..

- Kiməsə kitab bağışlamısınızmı?

- Kitab xoşuma gəlibsə o kitabdan alıb kiməsə verə bilərəm, amma öz kitabımı kiməsə bağışlamaq mənə xas xüsusiyyət deyil. Oxumaq üçün istəyiblər vermişəm, olub ki, heç qaytarmayıblar.

- Ən sevdiyiniz film kitab olsaydı onu oxuyardınızmı?

- Kitaba olan münasibət tamam başqadır. Hər halda filmlə kitabın arasında fərq böyük olur. Film kiminsə o kitaba yanaşmasıdır. Zənnimcə kitabı oxumaq filmə baxmaqda daha yaxşıdır. Amma vaxt olsa oxuyardım.

- Qarabağ problemi ilə bağlı bir kitab oxudunuzmu?

- Oxumamışam.

- Sitayiş etdiyiniz dindən başqa dinləri araşdırdınızmı?

- Ümumi. Belə hesab edirəm ki, dinə o qədər də meylim yoxdur, dindar deyiləm. Allaha inanıram. Ona görə də hesab edirəm ki, bütün dinlərdə Allaha inam üzərində qurulub. Olur hərdən bir müqayisə aparırsan ki, harda nə cürdür.

- Elektron kitab oxumusunuzmu?

- Olur. Son dövrlərdə olur hərdən bir. Sırf peşə ilə bağlı, bir də psixologiyayla əlaqədar müəyyən yazıları gözdən keçirirəm.

- Heç zaman kitab yazmayan, amma kitab yazmasını istədiyiniz bir insan varmı?

- Vallah heç kimə arzu eləmirəm kitab yazsın. Bu istəklə olan bir şeydir. Çox uzağa getməyək, Heydər Əliyevin yazdığı kitabı, memuarlarını oxumaq istərdim.

- Axırıncı dəfə nə zaman kitab oxumusunuz?

- Peşəmlə əlaqədar mütəmadi oxuyuram.

- Avtobusda çantasından bir kitab çıxardıb oxumağa başlayan bir qız görəndə nə düşünürsünüz?

- İctimai nəqliyyatdan istifadə etmirəm. Axırıncı dəfə Moskvada olanda müşahidə etdim. Orada yenə də oxuyurlar kitab. Metroya minmişdim oxuyurlar. Mən çox istərdim insanlarımız oxusunlar, amma bizdə kitab oxunmur.

- Yandırdığınız kitab olubmu?

- Yox

- Birnəfəsə oxuyub bitirdiyiniz kitab varmı?

- Olur, mən oxuduğum kitabların əksəriyyətini birnəfəsə oxumuşam.

- İnsanın həyatını dəyişdirə biləcək bir kitab tanıyırsınızmı?

- Şəxsən tanımıram, amma düşünürəm ki ola bilər.


Fərid Mirzəyev

• "Başıma gələn ağrılar məni çox qəddarlaşdırdı"
• Xristianlığı qəbul edən qeyri-adi titullu aktyorumuz - Klounlar ona niyə təzim edirdilər?
• Adel: "Qulağımı kəsmək istədim"