“Boy çiçəyi” İlyas Əfəndiyevin pyesinin adı olub. Pyes 1964-cü ildə Akademik Milli Dram Teatrına da bu adla təqdim olunub. Rejissor Tofiq Kazımov əsəri bəyənib, amma dramaturqu onun adının dəyişdirilib “Sən həmişə mənimləsən” kimi səhnəyə gətirməyə razı salıb.
Üstündən 24 il keçəndən sonra rejissor Azərpaşa Nemətov həmin əsəri ilkin variantda və ilkin adla Milli Dram Teatrının səhnəsinə gətirir.
“Boy çiçəyi” qızların qurudub kitab arasında saxladıqları zərif bir çiçəyin adıdır. Müəllif qəhrəmanını ona bənzədib.
Azərpaşa Nemətovun quruluşu da əvvəlkilərdən fərqlənəcək. Hər halda, rejissor özü belə deyir. Həsənzadə rolu xalq artisti Fuad Poladova tapşırılıb.
“Demək Həsənzadə” sualına Fuad Poladov çox böyük əminlik və məmnunluqla “Bəli”, - dedi. O “bəli”nin tərkibində vermək istədiyimiz bütün suallara cavab vardı. Yəni “bu rol mənim ürəyimcədir”, “artıq özümü Həsənzadə kimi hiss edirəm” və s.
Nargiləni isə Məsmə Aslanqızı oynayacaq. Daha doğrusu, variantlardan biri Məsmə Aslanqızıdır. Biri də Rus Dram Teatrının aktrisa Natəvan Hacıyevadır. Bu dəfə də rejissor Nargilə obrazı üçün axtarışa çıxıb. Bir-neçə tələbə də sınaqdan keçirilib, amma hələ seçilən yoxdur. Azərpaşa Nemətov yeni Nargilənin olub olmayacağı barədə suala “yalnız Allah bilir”, - dedi. Hələ axtarışlar gedir.
Həsənzadənin (Fuad Poladov) dublyoru heç yoxdur. Bəlkə, heç olmadı.
Tamaşa üzərində masa üstü məşqlər gedir. Bu tamaşadan sonra Azərpaşa Nemətov üstündə söhbətlərin çoxdan getdiyi “Hacı Murad” tamaşasını hazırlayacaq. Əsər L.Tolstoyundur. Onu Azərbaycan teatrının səhnəsində dramaturji material kimi işləyib hazırlayan Cəfər Cabbarlı özü qoyub. Azərpaşa Hemətov həmin variantı da saxlamaq fikrindədir. İstəyir ki, tamaşada Cəfər Cabbarlının adı müəllif kimi qalsın. “Hacı Murad” üzərində işə payızda başlanacaq.
Ramilə Qurbanlı
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
"Arxada qalan onilliklər artıq sənin deyil..." - Məşhur "Time" necə yarandı?
13:00
1 noyabr 2026
Darıxdırıcı axşamlarda purosunu tüstülədən taxta adamlar - Tadeuş Makovskiyin məşhur əsəri
12:00
1 noyabr 2026
Səməd Vurğun haqqında donos yazmağa məcbur edilən Xalq yazıçısı - Onu niyə vəzifədən uzaqlaşdırdılar?
16:00
28 oktyabr 2026
"İrəvanda xal qalmadı" mahnısı necə yarandı? - TARİXÇƏ
15:00
28 oktyabr 2026
Bağırovun evlilik təklifini rədd edən, vərəmdən qurtulan, repressiyadan xilas ola bilməyən Xədicə Qayıbova
10:00
27 oktyabr 2026
Abşeron damları, unudulmuş bayatı vizuallığı, qürub ekspressionizmi... - Fərhad Xəlilovun məşhur tabloları
15:00
26 oktyabr 2026
Ana səhifə
Reels
Yazarlar
Xəbərlər