Kulis.az 21 dekabrla bağlı Facebook zarafatlarını təqdim edir.
“22 dekabr Şirincədən qayıdanlara görə özümüzü “ölmüşlüyə” vuraq, kefləri pozulmasın”
“21 Dekabr sayəsində Allahın kimə nə qədər ağıl verdiyini bildik, heç olmasa”.
“Bu gün varıq, sabah yoxuq”.
“İctimai asayişi pozmaq istəyən 2 komet, 4 asteroid, 7 meteorit və bir balaca planet tərəfimizdən aşkar edilib götürülmüşdür. İstintaq tədbirləri davam edir”.
“Məhəlləmizdəki marketin fədakar satıcısı deyir ki, qorxmayın, bu gecə səhərə qədər işləyəcəm, nə lazım olsa, gəlib alın”.
“Bir zarafatcıl qardaş gözləyirəm getsin Mingəçevirdən bütün elektriki kəssin”.
“Son dəqiqə xəbəri: Havanın pis olması səbəbi ilə qiyamət günü təxirə salınmışdır”.
“Təqvimin maya dəyəri qalxıb”.
“21 dekabr 2012-ci ildə hamınız möhtəşəm “Qiyamət-parti”-ə dəvətlisiniz. Qızlara giriş pulsuzdur, oğlanlar isə adambaşına 5 ədəd şam gətirməlidir. Gecənin unudulmaz qonaqları: Mars, Merkuri, Yupiter...Sürpriz qonaqlar: Ay və Günəş. Ünvan: Yer kürəsinin istənilən yeri”.
“Şirincəyə gedənlər, yanınızda hər heyvandan bir cüt götürməyi unutmayın, dünyanı yenidən quracaqsınız”.
“Tvitlərin 99 faizi 21 dekabra aiddir, amma hələ də sevgidən zaddan yazan 1 faizlik adam var”.
“21 dekabr zarafatları eləməkdən camaat həqiqətləri unudub, 21 dekabr ən uzun gecə, ən qısa gündüzdür”.
“Dalay Lama peysər çıxdı”.
“Ölmədik, bu günü də gördük!”
“Pəncərədən görünür bir asteroid
Hanı evdəki Polaroid
arvad, min dəfə demişəm
əşyalarıma əl vurma
yaradıcılığıma pəl vurma
indi bu vəziyyətdə
gəl vurma” (Zamin Hacı)
“düşsün mənim başıma bir komet
kim istəsə like eləsin,
kim istəsə yazsın komment” (Zamin Hacı)
Hazırladı: Rəna Nevzat
