Bir evimiz olmadı kirayələrdən uzaq... - Əsəd Qaraqaplan

Bir evimiz olmadı kirayələrdən uzaq... - Əsəd Qaraqaplan
7 iyun 2025
# 11:00

Bu gün şair Əsəd Qaraqaplanın doğum günüdür.
Kulis.az müəllifi təbrik edir və onun “Sonuncu sevgi şeiri”ni təqdim edir.


...bir qadın da sevmədik, ayrılaq, şeir yazaq.
bir qızla evlənmədik, çəkilək, xoşbəxt olaq.
bir evimiz olmadı kirayələrdən uzaq
bir oğul böyütmədik, əsgərə yola salaq...

hər şey bizdən böyükdü, hər şey bizdən balaca
ortalıqda qalmağın cəzası tənhalıqdı.
bunu da bu şeirin küncünə yaz, balaca,
– biz olan sevgilərin başında ayrılıqdı...

getdik, gördük atamız çoxdan ölüb... anamız
evimizlə bərabər qocalıb, əldən düşüb.
bacılar gəlin köçüb, evlənib qardaşımız
həyət də ağaclardan, ağac da güldən düşüb...

hər şey saralıb-solub biz gedəndən şəhərə
biz kirayə qalandan yetim qalıb uşaqlıq...
bəlkə sevmədiyimiz bir qadından ötəri
ya çox böyük adamıq, ya da ki çox uşağıq...

bizi də böyütməyə gücü çatmaz şəhərin
nə şəhərlər var bizim uşaq xəyalımızda...
bu böyük gecələrin açılmayan səhəri
bizi kim anlayacaq, bizi - bu halımızda...

bir oğul böyütmədik, əsgərə yola salaq...
bir evimiz olmadı kirayələrdən uzaq...
bir qızla evlənmədik, çəkilək, xoşbəxt olaq...
bir qadın da sevmədik, ayrılaq, şeir yazaq...


# 1316 dəfə oxunub

Oxşar xəbərlər

İndi tale tüfeylisidir vətəndə sevgilər...  - Gülər Natiq İsaqın şeirləri

İndi tale tüfeylisidir vətəndə sevgilər... - Gülər Natiq İsaqın şeirləri

13:00 20 iyul 2025
Güllələr demədi geri qayıdın – Günün şeiri

Güllələr demədi geri qayıdın – Günün şeiri

11:30 14 iyul 2025
Mənə tutmadığın toy unudulsun - Vüsal Yurdoğlunun şeirləri

Mənə tutmadığın toy unudulsun - Vüsal Yurdoğlunun şeirləri

18:36 11 iyul 2025
Bəzən ayaqqabı olmaq keçir içimdən... - Tural Balabəylinin şeirləri

Bəzən ayaqqabı olmaq keçir içimdən... - Tural Balabəylinin şeirləri

11:40 3 iyul 2025
Hər kim yüz il yaşamasa... - Günün şeiri

Hər kim yüz il yaşamasa... - Günün şeiri

17:41 2 iyul 2025
"Səni görəndə dəniz də ağzının suyun axıdır" - Yeni imza

"Səni görəndə dəniz də ağzının suyun axıdır" - Yeni imza

15:04 1 iyul 2025
#
#
# # #