Rusiya ordusunun Donbassda və Ukrayna ərazisində keçirdiyi hərbi əməliyyatlarla bağlı rus yazıçıları Rusiya prezidenti Vladimir Putinə müraciət edib.

Kulis.az rus mediasına istinadən xəbər verir ki, müraciətə 500 yazıçı imza atıb. Onların arasında azərbaycanlı yazar Knyaz Qoçaq da var. Müraciətdə hazırda Donbassda və Ukraynanın bəzi bölgələrində keçirilən hərbi əməliyyatın dayandırılması, Qərbin Rusiyanı hansısa formada məhv etmək planı haqda danışılır.

“Biz Ukrayna xalqını sevirik, Ukrayna mahnıları oxuyuruq, Ukrayna filmlərinə baxırıq, eyni kilsələrdə dua edirik. Bizim ümumi düşüncələrimiz və xalqlarımız üçün artıq yaxın olan ümumi bulağın havası ilə nəhayət nəfəs almaq istəyimiz var. Xoşbəxtlik, azadlıq, sülh və insan üçün eyni mənəvi qeyrətlə bağlı böyük yazıçılarımız var. Lev Tolstoy və Nikolay Qoqol, Taras Şevçenko və Aleksandr Puşkin, Lesya Ukrainka və Anna Axmatova. Bizim saysız-hesabsız ümumi zəfərlərimiz və nailiyyətlərimiz var ki, heç kim üstündən xətt çəkə bilməz”. – deyə müraciətdə qeyd olunub.

Müraciətdə yazıçılar Rusiyaya qarşı Qərbin mövqeyini pisləyir və Ukranyanı da bu mövqedən çəkindirir: “Biz Ukraynanın suveren və dost, firavan və azad olmasını istəyirik. Amma biz onun nasistlər tərəfindən idarə olunmasını istəmirik”.

Müraciətin sonunda isə deyilir:

“Yazıçılar müharibə istəmir, siyasətə qarışmaq istəmirlər. Bütün dünyada humanitar sənədlər bunu açıq şəkildə qadağan edir. Amma ağılın və ilhamın səsi, ədəbiyyatın səsi bu gün də, sonra da, bizim dövrümüzdə baş verənləri təsvir etmək vaxtı gələndə səslənəcək.

Sülh səninlə olsun, Ukrayna! Sizə sülh olsun, Rusiya və Belarusiya! Biz eyni mənbədənik və bu ilkin Rusiya mənbəyi həm bizi, həm də bizə yaxın xalqları ruhən qidalandıracaq, həmişə!”.

• Misirin 1900 illik qədim Fəyyum mumiya portreti bərpa edildi: Tarixdə ilk dəfə Romaya aparılır
• Ədəbi mükafatlar nə üçün təsis olunur? - Mətanət Vahid
• "Kirpi" jurnalının hədəfi oldu, Ələkbər Tağıyev ona qadağa qoydu - Məmmədbağır Bağırzadə niyə həbs olunmuşdu?