64 yaşlı yazıçı Nil Qeyman cinsi təcavüzdə ittiham edilir.
Kulis.az xəbər verir ki, övladlarının dayəsi Skarlet Pavloviç 64 yaşlı yazıçı ilə həyat yoldaşı, müğənni Amanda Palmerə qarşı məhkəmə iddiası qaldırıb. O, cütlükdən 1 milyon dollar (1 milyon 700 min manat) tələb edib.
Pavloviç iddia edir ki, Palmer ərinin təcavüzkar olduğundan xəbərdar olsa da, onu işə götürüb. İddiada cütlük insan alverində də ittiham olunur.
İddiada deyilir ki, Qayman bir neçə ay ərzində Pavloviçi cinsi zorakılığa məruz qoyub, onu boğub, kəmərlə döyüb və alçaldıb. Pavloviç bildirib ki, işini və evini itirmək qorxusundan buna dözmək məcburiyyətində qalıb.
Qeyd edək ki, Qeymanla Amanda ayrı yaşayırlar. Onların Entoni adlı bir övladı var. Yazıçının birinci həyat yoldaşı aktrisa Meri Makqratdan da üç övladı var. Yazıçı "Ulduz tozu", "Amerika Tanrıları", "Korolina", "Qəbiristanlıq kitabı" kimi əsərləri ilə tanınıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər