Bu gün məşhur ingilis rejissoru Denni Boylun doğum günüdür.

Kulis.az bu münasibətlə "Bir rejissor beş film" layihəsindən rejissorun beş filmini təqdim edir.

Dayaz qəbir - 1994

Edinburqda üç gənc evlərinə dördüncü kirayəçi axtarırlar. Görünüşünə görə davamlı alçaldılan yeni kirayəçi bir gün normadan artıq dozada narkotik qəbul edərək ölür. Gənclər yeni "dost"larının pul dolu çantası ilə baş-başa qalır.

Treynspottinq - 1996

İrvin Velşin 1993-cü ildə yazdığı eyniadlı kitab əsasında çəkilən film Şotlandiyanın Edinburq şəhərində yaşayan narkomanların həyatından bəhs edir.

Çimərlik - 2000

Amerikalı gənc macərapərəst Riçard (Leonardo DiKaprio) Banqkokda, hoteldə tanış olduğu Etyen (Giyom Kane) və Fransua (Virjini Leduayen) adlı fransız turistlərlə tropik adaya gedir...

Xarabalıqdan olan milyonçu - 2008

Camal Malik – xarabalığı xatırladan yoxsullar məhəlləsində yaşayan və ali təhsili olmayan 18 yaşlı gənc. Uşaqlıqdan ən böyük arzusu kasıblıqdan qurtulmaq, ailə səadəti tapmaq olub. Günlərin bir günü “Kim milyonçu olmaq istəyir?” intellektual teleoyununun iştirakçısına çevrilir. Oyun zamanı hamının savadsız bildiyi Camal Malik öz geniş dünya görüşü ilə həmvətənlərini mat qoyur. O, qələbə qazanıb milyonçuya çevrilə bilər. Zəfərin bir addımlığındadır. Ancaq teleproqramın rəhbərliyi nədənsə ondan şübhələnməyə başlayır və dindirilməsi üçün polisə təhvil verir. Fırıldaqçı olmadığını sübut etmək üçün Malik həyat hekayəsini müstəntiqə olduğu kimi danışmağa məcbur olur - əvvəldən –axıra kimi...

127 saat - 2010

Film 2003-cü ildə əli 300 kq-dan çox çəkisi olan qayada ilişdikdən sonra təxminən altı gün dağ yarığında qalan alpinist və kanyon tədqiqatçısı Aron Ralstonun real həyat hekayəsindən bəhs edir.
Aron hara getdiyini heç kimə deməmişdi. Suyu və yeməyi qurtarandan sonra əlini amputasiya etmiş, kanyondan çıxıb xilasedici helikopterə zəng etmişdi...

• Elnarə Akimova: "Azərbaycan heç bir dövlətin dini-siyasi təsir dairəsi deyil"
• Kamal Abdullanın fəaliyyətinə həsr olunmuş biblioqrafik göstərici nəşr olundu
• Ağsaqqal - Qulman Oçilovun hekayəsi Aygün Əzizin tərcüməsində