Səhər Əhmədin şeirini oxuyan təbrizli müğənni: “Toylarda hamı bu mahnıya oynayır” - Müsahibə - Video

Səhər Əhmədin şeirini oxuyan təbrizli müğənni: “Toylarda hamı bu mahnıya oynayır” - Müsahibə - Video
4 iyun 2019
# 15:41

Təbrizli müğənni Yaqub İbadi tanınmış şair, saytımızın əməkdaşı Səhər Əhmədin sözlərinə yazılan mahnını ifa edib və mahnı el şənliklərində xeyli populyarlaşıb. Kulis.az müğənni ilə bu haqda söhbət təqdim edir.

- Yaqub bəy, hazırda sizin ifanızda sözləri Səhər Əhmədə, bəstəsi Əsəd Cahangirə məxsus olan “Ay qız” mahnısı Təbrizdə el şənliklərində, toylarda oxunur və ilgiylə qarşılanır. Bu haqda nə deyərdiniz?

- Mən bu mahnıya məcazi aləmdə (sosial şəbəkə - red.) rast gəldim, mahnı xoşuma gəldi və qərara gəldim ki, onu öz aranjımanımla oxuyum. Mahnını lentə aldırmamışdan əvvəl sınaqdan keçirmək məqsədilə bir neçə toyda oxudum və dinləyicilər tərəfindən çox sevildiyini gördüm. Bundan sonra qərara gəldim ki, mahnını yeni aranjımanda lentə aldırım.

- Bildiyimiz qədər, Cənubi Azərbaycanda Şimali Azərbaycan mahnılarına tez-tez müraciət olunur.

- Daha çox illərin sınağından çıxmış xalq mahnıları, ikinci sizin telekanallarda daha çox yayılan, oxunan mahnılardı. Toylarda daha çox ritmik, şən mahnılar seçilir. “Gülü güldanda görən ağlasın”, “Kamanım, tarım gəlir” və s. Üzeyir Mehdizadənin, Pərviz Bülbülənin və s. repertuarı dəbdədir. Amma bunlarla bərabər, xalq mahnılarımıza həmişə müraciət olunur.

Image result for Səhər Əhməd Kulis.az

- Ötən il istər İranda, istər Azərbaycanda xitə çevrilmiş “Səni deyirlər” mahnısı haqda fikirlərinizi bilmək istərdik. Həmin mahnı Cənubi Azərbaycanda populyarlığını saxlayırmı?

- “Səni deyirlər” mahnısı iyirmi 25 bundan qabaq Urmiya mahalında yazılıb. Sözləri və musiqisi Aşıq Mahmudiyə məxsusdur. İndiyə qədər də bu mahnı el şənliklərində, toylarda oxunur. İstər Urmiyada, istər Təbrizdə el aşıqları tərəfindən ifa edilib və mənim də repertuarımda olub. Son vaxtlar məşhurlaşmağının səbəbi isə məcazi aləmdə, yəni sosial şəbəkələrdə yayılması və təkrar-təkrar paylaşılmasıdır. Və bu mahnının nəqəratı “səni deyirlər” bir az da zarafatla məşhurlaşdı və zərbi-məsələ çevrildi. Bu tip mahnılara “keçəri” mahnılar deyirlər, bir müddət sonra populyarlığını itirir, bu mahnı da artıq toylarda keçənilki qədər sifariş olunmur. Nə qədər geniş yayılsa da, hər halda xalq mahnıları qədər qalıcı deyil.

- Səhər Əhməd də bu mahnını Facebookda paylaşmışdı və oxucular çox sevdikləri şeirə bu cür toy mahnısı bəstələnməsinə irad bildirmişdilər. O zaman söz yazarı bildirmişdi ki, o, bəstəçi ilə bərabər özləri qəsdən toy mahnısı düşünüb ki, mahnı daha asanlıqla populyarlaşsın. Sizcə də belədirmi?

- Bəli, mənim də diqqətimi məhz bu cəhət çəkdi, mahnı çox ritmik və oynaqdır, sözləri sadə və gözəldir, həm də gözəl don geyib bəzənmiş bir qız obrazı toya daha yaxındır. Toya gəlməmişdən qızlar da geyinib bəzənir, ən gözəl donlarını seçirlər. Ona görə də toy əhval-ruhiyyəsinə yaxındır. Bu mahnı mənim iştirakımla keçən toylarda dəfələrlə sifariş edilir və həvəslə rəqs edilir.

- “Ay qız” mahnısına klip çəkdirməyi düşünürsünüz?

- Əlbəttə, mən istəyərdim, bu mahnıya o tayı, bu tayı əks etdirən gözəl bir klip çəkdirim, hətta beynimdə səhnələr də hazırdır. Bundan başqa bu mahnını Bakıda da ifa etmək və daha da məşhurlaşdırmaq istəyirəm.

# 3223 dəfə oxunub

Oxşar xəbərlər

Ömür boyu tənha yaşayan, fahişələrlə söhbət etməyi xoşlayan Andersen

Ömür boyu tənha yaşayan, fahişələrlə söhbət etməyi xoşlayan Andersen

16:00 15 iyul 2024
Emiliya Klark Amazonun yeni serialında

Emiliya Klark Amazonun yeni serialında

14:30 15 iyul 2024
Zülfü Livanelinin yeni albomu yayımlandı

Zülfü Livanelinin yeni albomu yayımlandı

14:00 15 iyul 2024
Bağça müəllimləri uşaqlara qarşı niyə aqressiv davranır?

Bağça müəllimləri uşaqlara qarşı niyə aqressiv davranır?

13:35 15 iyul 2024
"Makston Holl" serialının davamı çəkilir

"Makston Holl" serialının davamı çəkilir

13:10 15 iyul 2024
Tərcüməçimiz beynəlxalq müsabiqədə yer tutdu

Tərcüməçimiz beynəlxalq müsabiqədə yer tutdu

13:00 15 iyul 2024
#
#
# # #