Bildiyiniz kimi, bu gün Avroliqanın final oyunu Bakıda keçiriləcək. Finalda “Arsenall”a “Çelsi” qarşılaşacaq. Xanım yazarlar futbolu izləyirlərmi? Praqnozları necədir? Ümumiyyətlə, futbol xanımlar üçün nəyi ifadə edir? Kulis.az bu barədə sorğu keçirib. Cavabları təqdim edirik.

İradə Tuncay: “İzləmirəm və başım çıxmır.”

Ləman Ələşrəfqızı: “Final oyununu izləyəcəm əlbəttə. Ən azından ona görə ki, iki nüfuzlu komanda mənim şəhərimdə oynayır. Başqa sözlə Zadəganlar bizim ayağımıza gəliblər. Proqnoz verə bilməyəcəm təəssüf. Əgər bu komandalardan biri “Barselona” olsaydı, o zaman proqnoz verərdim. Futbol mənim üçün təkcə ayaq yox, həm də beyin oyunudur. Və mən güclü komandanın oyununu həmişə həvəslə izləmişəm. Əsl azarkeş kimi. Sevdiyim komandanın oyununda mən bəzən çığırtımın küçədə belə eşidilməsindən narahat olmuram. Bu oyunu isə sadəcə izləyəcəm. Çünki komandalardan heç biri favoritim deyil. Qoy güclü udsun. Bu məni sevindirəcək.”

Rəbiqə Nazimqızı: “Oyunu izləyə də bilərəm, şəraitdən və ovqatımdan asılıdır, adətən final oyunları ilə maraqlanıram. Proqnoz deməyim, arzumu deyim: “Arsenal”ın qələbəsini istəyirəm, “Çelsi”dən incikliyim var, Mourinyo məsələsiylə bağlı. Futbol mənim üçün əyləncədi, istirahətdi, arada yararlanıram.”

Elnaz Eyvaz: “Futbol izləmirəm. Futbol mənim üçün bir oyundur. Azarkeşlik edənləri də, etməyənləri də anlayışla qarşılayıram. Şagirdlərim idman dərsində futbol oynayanda pəncərədən izləmək ləzzət edir amma. Bir də futbolu ancaq atamla izləyəndə maraqlı olur mənə.”

Ülviyyə Heydərova: “Bugünkü oyunu izləməyəcəm. Amma proqnoz kimi deyə bilərəm ki, 1-2 hesabı ilə “Arsenal” qalib gələcək. Futbola əvvəllər baxmışam. Azarkeşlik də etmişəm. Amma bir gün anladım ki, futbol sadəcə 90 dəqiqəlik vaxt itkisidir.”

Xuraman Hüseynzadə: “Futbol həmişə insanların diqqət mərkəzində olan bir oyundur. Maddi dəstəyinə görə bu oyun həmişə seçiləcək. O yerdə ki güc, insan zəkası qalib gəlir, o, həmişə yaşayacaq - Nobel mükafatı ilə futbol kimi. Məncə, digər oyunlar futbolun, mükafatlar isə Nobelin kölgəsində qalır. Bunun başlıca səbəbi isə dediyim faktorlardır. Oyunu izləməyəcəm amma. Əvvəllər izləyirdim, indi isə marağım yoxdur.”

• "O oxuyanda yekə kişilər göz yaşı tökürdü" - Xan Şuşinskinin ən layiqli varisi
• "Balaca şahzadə"nin müəllifini kim öldürmüşdü? - Məşhur yazıçı haqqında bilmədiklərimiz
• Ed Şeranın orijinal rəsmləri Londonda sərgilənəcək – Gəlir uşaqların təhsilinə bağışlanacaq