Nəsiminin ikrah doğuran şəkilləri – Filoloq yazır...

Nəsiminin ikrah doğuran şəkilləri – Filoloq yazır...
6 sentyabr 2019
# 14:30

Bildiyimiz kimi bu il “Böyük Azərbaycan şairi İmadəddin Nəsiminin 650 illik yubileyinin qeyd edilməsi haqqında” Azərbaycan Respublikasi Prezidenti Cənab İlham Əliyevin sərəncamı ilə ölkədə “Nəsimi İli” elan olunub. Bu sərəncamla əlaqədar Nəsimi yaradıcılığına dair elmi konfranslar və ədəbi tədbirlər keçirilir. Keçirilən bütün silsilə tədbirlər Nəsimi irsinin təbliği, yaradıcılığının daha geniş kütlələrə çatdırılması məqsədi daşıyır.

Bəllidir ki, belə tədbirlərdə ənənəvi olaraq portretlər, bannerlər hazırlanır. Nəsiminin son illər sosial mediada paylaşılan şəkilləri ikrah hissi doğurur. Belə ki, Sovet dövründə kitablardan, dərsliklərdən, televiziya proqramlarından tanış olan Nəsimi bu gün üz-gözü qadın kimi boyanmış şəkildə təqdim olunur.

Qeyd edək ki, ölkəmizdə olduğu kimi, digər türk dövlətlərində də Nəsimi anadan olmasının 650 illiyi münasibətilə yad edilir və tədbirlər keçirilir. Belə olan təqdirdə Azərbaycan mediasında təqdim olunan şəkillər digər ölkələrdə də yayılır.

Kiçik bir haşiyə çıxım: Hazırda “Təhsil müəssisələrində İ.Nəsimi irsinin tədrisi və təbliği məsələləri”ni araşdırıram. 1955-ci ilin VIII sinif Ədəbiyyat müntəxəbatında Nəsiminin şəklinə baxıram, bir də son illərdə yayılan şəkillərinə. Düzdür, o illərdə təqdim olunan şəkil də Nəsimini tam əks etdirmir, amma ən azından ikrah hissi doğurmur.

Nəsiminin portretini yaradarkən, şairin öz əsərlərinə, Q.Bürhanəddinin, Əhmədinin (XIV əsr divan şairi, Anadolu) və b. təsvir etdikləri “Nəsimi “cismi-sima”sının diqqətə alınması məqsədəuyğun olar.

Nəsimi bütün parametrlərilə - yolu, əqidəsi, hətta ölümü ilə belə KİŞİLİK MƏKTƏBİdir. Onun kimi bir dahini günümüzün psixoloji xəstəliyinə tutulanlara bənzətmək Azərbaycan ədəbiyyatına, mədəniyyətinə, milli dəyərlərimizə xəyanətdir.

Aidiyyatı dövlət orqanlarından – Mədəniyyət Nazirliyi, Təhsil Nazirliyi, Azərbaycan Yazıçılar Birliyi, Azərbaycan Rəssamlar İttifaqı və digər məsul qurumlardan bu problemin aradan qaldırılmasını xahiş edirik.

Biz Nəsimini bu cür görmək istəmirik.

Odlar yurdundan çıxıb dünyanı insanlığa çağıran, dinindən, dilindən və irqindən asılı olmayaraq insanlığa dair düşüncələr, ümumbəşəri ideyalar yayan biri bu cür şəkilləndirilə bilməz.

Azərbaycan müstəqil dövlətdir və öz milli dəyərlərinə sahib çıxır. Ümid edirəm ki, adlarını çəkdiyimiz qurumlar bu problemi tezliklə aradan qaldıracaqlar. Əks təqdirdə ölkə rəhbərliyinə müraciət ünvanlanacaq.

Adilə Nəzərova

Filologiya üzrə fəlsəfə doktoru

# 11931 dəfə oxunub

Oxşar xəbərlər

Fətəli xan Xoyskinin 150 illik yubileyi keçiriləcək -  Sərəncam

Fətəli xan Xoyskinin 150 illik yubileyi keçiriləcək - Sərəncam

17:50 17 sentyabr 2025
Özbəkistanın nüfuzlu institutunda Üzeyir Hacıbəylinin 140 illik yubileyi münasibətilə auditoriya açıldı

Özbəkistanın nüfuzlu institutunda Üzeyir Hacıbəylinin 140 illik yubileyi münasibətilə auditoriya açıldı

17:34 17 sentyabr 2025
Paris muzeyindən 600 min avro dəyərində qızıl oğurlandı

Paris muzeyindən 600 min avro dəyərində qızıl oğurlandı

17:05 17 sentyabr 2025
Əlisəmid Kürün son vəziyyəti - Qızından açıqlama

Əlisəmid Kürün son vəziyyəti - Qızından açıqlama

16:30 17 sentyabr 2025
Dəfninə heç kimin getmədiyi Səməd Səmədov kimdir?

Dəfninə heç kimin getmədiyi Səməd Səmədov kimdir?

16:21 17 sentyabr 2025
Məşhur rəssamın boyasının sirri 77 il sonra  açıldı

Məşhur rəssamın boyasının sirri 77 il sonra açıldı

16:20 17 sentyabr 2025
#
#
Ana səhifə Yazarlar Bütün xəbərlər