Bakı Dövlət Universitetində şair Qəşəm Nəcəfzadə ilə müəllim və tələbələrin görüşü keçirildi. Kulisin məlumatına görə tədbiri giriş sözü ilə açan universitetin müəllimi Daşqın Qəmbərov şairlərlə keçirilən tədbirlərin əhəmiyyətini vurğuladı.

Tələbəlrin ədəbi dünya görüşünün, milli vətənpərvərlik hislərinin formalaşmasında belə tədbirlərin vacibliyini qeyd etdi. Sonra o, Qəşəm Nəcəfzadənin yaradıcılığı haqqında tədbir iştirakçılarına qısa məlumat verdi.

Tədbirin aparıcısı Əməkdar jurnalist, şair Murad Qoçuoğlu Qəşəm Nəcəfzadənin gənclik illərindən tanıdığını, onun yaradıcılığında təbiət, sosial və ictimai həyat lövhələrinin geniş yer aldığını dilə gətirdi. Yazıçı Səyyad Aran şairin şeirlərinin həyatiliyindən söhbət açdı.

O qeyd etdi ki, Qəşəm Nəcəfzadə şeir, esse və hekayələrində həyatın qəddarlığını və həm də bu həyatda heç vaxt sönməyən insanın dünyəvi düşüncə işığını böyük ustalıqla qələmə alır. Şair Balayar Sadiq şairin dünya çapından, xüsusən Avropa ölkələrində çap edilən kitablarının əhəmiyyətini vurğuladı.

Şairlərdən Nuranə Nur, Balayar Sadiq, Aybəniz Qafarlı və Bakı Dövlət Universitetinin müəllimi, Əlamdar Cabbarlı Qəşəm Nəcəfzadə haqqında ürək sözlərini dedilər.

Sonda Qəşəm Nəcəfzadənin həyat və fəaliyyətindən bəhs edən kiçik film göstərildi, şair yeni şeirlərini oxudu, tələbələrin suallarını cavablandırdı və onlara yeni çapdan çıxan kitablarını hədiyyə etdi.

• Cabir İmanov KİMDİR? - Polkovnik-leytenant, "KVN"çi... - BİOQRAFİYA
• "Mənim eşqim, ilhamım, hər nəyim var, onundur..." - Şəhriyar hansı qadın haqqında hüznlə etiraf etmişdi?
• "Döyülən uşaqlar böyüyəndə döyənə çevrilir..." - Bizə "Pişik qadın" lazımdırmı?