Dünya şairləri Fayadın müdafiəsinə qalxdı

Dünya şairləri Fayadın müdafiəsinə qalxdı
2 dekabr 2015
# 09:50

Suriyalı şair Adonis, İrlandiyalı Paul Muldoon, Britaniyalı Carol Ann Duffy, Amerikalı John Ashbery, Fələstinli Gassan Zaqtan, İsrailli Amir Or da daxil olmaqla, bütün dünya ölkələrindən şairlər gənc şair Əşrəf Fayadın müdafiəsinə qalxıblar.

Onlar Səudiyyə Ərəbistanı hökumətinə açıq məktub yayımlayıblar, məktubda bu gənc şairin "İslamı rədd edən şeirlər yazdığı üçün ölüm hökmünə məhkum edilməsinin dəhşətli olduğunu" deyirlər.

English PEN təşkilatı məktubu Səudiyyə Ərəbistanının Londondakı səfirliyinə təqdim edib.

Məktubda Fayadın ölüm cəzasına məhkum edilməsi "azad düşünən insanlara qarşı zülmün son nümunəsi" kimi qiymətləndirilir.

"Bir fikir nə qədər rəğbət görməsə də, onu nə müdafiə etmək, nə də sülh içində ifadə etmək cinayətdir. İnanc azadlığı insan azadlığının təməl şərtlərindən biridir."

Məktub belə tamamlanır: "Fayadın məsləkdaşları olaraq, biz insanları ifadə azadlıqlarına görə cəzalandırmaqdan vaz keçmələri, Fayadın təcili və şərtsiz azadlığa buraxılması üçün Səudiyyə səlahiyyətlilərinə xəbərdarlıq edirik."

Bu haqda The Guardian qəzetinə danışan macar şair George Szirtes deyib:

"Əmələ təhrik cinayət ola bilər, nifrət çıxışları etmək bəlkə də cinayətdir, amma fikirlər - cinayət deyildir...

Bir fərdə fikrindən ötrü verilən hər cəza Səudiyyə Ərəbistanına utanc gətirir. Ölüm cəzası isə ən bğyük utancdır".

Szirtes deyib ki, İngiltərənin Səudiyyə Ərəbistanı ilə müttəfiq olması "absurddur. Bu, yalnız şairlər və yazıçılar kimi deyil, insan kimi bizlərin bütün düşüncələrimizə, vərdişlərimizə, instinktlərimizə daban-dabana ziddir. Bu, sırf kültür məsələsi deyil, dünyəvi insan haqları məsələsidir."

Fayad keçən həftə demişdi ki, ölüm cəzasını "şok kimi qarşılayıb", amma hər nə qədər bu cəzaya layiq iş görməsə də, nəticəni gözləyir.

"Məni ateist olmaqda və bəzi dağıdıcı düşüncələri xalq arasında yaymaqda ittiham edirlər" deyən Fayad sübut kimi göstərilən “Təlimatlar daxildir" adlı şeirləri haqda belə demişdi:

“Bu şeirlər bir fələstinli mühacir kimi mənim haqqımdadır... mədəni və fəlsəfi məsələlər haqqındadır. Amma radikal dindarlar bunu Allaha qarşı fikirlər kimi şərh edirlər."

Fayad 25 noyabrda onu dəstəkləyənlərə bir mesaj da yollayıb:

"Mənim üçün mübarizə aparan hər kəsə minnətdaram. Səmimi desəm, çox təəccübləndim, çünki burada özümü tək hiss edirdim... Burada heç kəsə qarşı deyiləm. Mən sənətkaram və azadlığımı axtarıram.”/oxuzali.az

# 2227 dəfə oxunub

Oxşar xəbərlər

Gənc aktrisa vəfat etdi

Gənc aktrisa vəfat etdi

17:14 17 noyabr 2026
Klimtin əsəri hərraca çıxarılır - 80 milyon dollara

Klimtin əsəri hərraca çıxarılır - 80 milyon dollara

16:39 17 noyabr 2026
"İndiki övladlar valideynlərinə bankomat kimi baxırlar" - Seyran Səxavətlə müsahibə

"İndiki övladlar valideynlərinə bankomat kimi baxırlar" - Seyran Səxavətlə müsahibə

16:22 17 noyabr 2026
Conni Depp  şəxsi həyatı və gələcək planları haqqında danışdı

Conni Depp şəxsi həyatı və gələcək planları haqqında danışdı

16:04 17 noyabr 2026
"Yalanların əksəriyyəti ona görə baş tutur ki..." - Tanınmış psixoanalitikin yalanla bağlı fikirləri

"Yalanların əksəriyyəti ona görə baş tutur ki..." - Tanınmış psixoanalitikin yalanla bağlı fikirləri

15:49 17 noyabr 2026
Pakistan mətbuatı Kamal Abdullanın “Sehrbazlar dərəsi” romanından yazır

Pakistan mətbuatı Kamal Abdullanın “Sehrbazlar dərəsi” romanından yazır

15:24 17 noyabr 2026
Ana səhifə Reels Yazarlar Xəbərlər