#

Afaq Məsud TÜRKSOY-un medalına layiq görüldü

Afaq Məsud TÜRKSOY-un medalına layiq görüldü
21 aprel 2015
# 15:58

Bu gün “JV Marriott Absheron” hotelində 23 aprel – “Ümumdünya Kitab və Müəlliflər Hüququ Günü”nə həsr olunmuş “Müəllif və riyakarlıq, kitab və yalan” (erməni tarixi saxtakarlıqları silsiləsindən) mövzusunda konfrans keçirildi. Kulisin məlumatına görə konfransı Azərbaycan Respublikası Müəllif Hüquqları Agentliyinin sədri cənab Kamran İmanov açdı.

O, öz çıxışında erməni mifomaniyası haqda danışaraq, bədnam qonşularımızın beynəlxalq rəyi çaşdırmaq niyyətindən söz açdı. “Bu gün erməni siyasəti tarixi saxtakarlaşdırmağa cəhd edir, diasporaları bu yöndə fəaliyyət göstərirlər. Qondarma “erməni soyqırımı” iddiasının geniş vüsət almasının, tarixi saxtalaşdırılması cəhdlərinin qarşısının alınması bu gün hər birimizin strateji missiyası olmalıdır”.

Daha sonra YUNESKO üzrə Azərbaycan Respublikası Milli Komissiyasının baş katibi Günay Əfəndiyeva müəlliflik hüquqları sahəsində YUNESKO-nun gördüyü əhəmiyyətli işlərdən söz açdı.

Mədəniyyət və turizm nazirinin birinci müavini Vaqif Əliyev bu gün bir sıra dünya ölkələrinin heç bir tarixi araşdırma aparılmadan, tarixşünaslıq elminin mənbələrinə söykənmədən, qondarma “erməni soyqırımı”nı dəstəkləməsindən söz açaraq, bu bədnam siyasətlə mübarizənin vacibliyini vurğuladı.

Tədbirdə təhsil nazirinin müavini Firudin Qurbanov, Milli Təhlükəsizlik Nazirliyinin Aparat rəhbəri, general-mayor Fərhad Vahabov da çıxış edərək, ölkəmizin, Qarabağ həqiqətlərinin təbliğatı istiqamətində hər kəsi daha sıx birləşməyə, daha əsaslı işlər görməyə səslədilər. Konfransda TÜRKSOY-un katibi Düsen Kaseinov türkdilli ölkələrin münasibətləri, Azərbaycan Respublikası və Qarabağ həqiqətləri haqqında geniş çıxış edərək, türkdilli ölkələrarası əlaqələrin möhkəmlənməsi istiqamətində görülən işlərdən danışdı.

Tədbirin sonunda ölkələr arasında ədəbi-mədəni əlaqələrin qurulması istiqamətində xidmətlərinə görə Azərbaycan Respublikasının Nazirlər Kabineti yanında Tərcümə Mərkəzinin direktoru, yazıçı Afaq Məsud, Azərbaycan Respublikası Müəllif Hüquqları Agentliyinin sədri Kamran İmanov və Azərbaycan Yazıçılar Birliyinin katibi, şair Fikrət Qoca TÜRKSOY-un medalı ilə təltif edildilər.

Tədbir iştirakçılarına “Tərcümə Mərkəzinin kitabları” seriyasından nəşr edilən Oljas Süleymenovun “Az-Ya” kitabı hədiyyə edildi.

Qeyd edək ki, ölkəmizdə “23 aprel – “Ümumdünya Kitab və Müəlliflik Hüququ Günü” 1995-ci ildən, “26 Aprel – “Beynəlxalq Əqli Mülkiyyət Günü” isə 2001-ci ildən etibarən hər il qeyd olunur.

# 1002 dəfə oxunub

Oxşar xəbərlər

Ədalət Şükürovun Ayda torpağı var? - Özü cavab verdi

Ədalət Şükürovun Ayda torpağı var? - Özü cavab verdi

13:27 5 oktyabr 2024
Emin Sabitoğlunun mahnılarından ibarət konsert keçiriləcək

Emin Sabitoğlunun mahnılarından ibarət konsert keçiriləcək

12:43 5 oktyabr 2024
Mən türk qadınıyam, amma öz dilimdə oxuya bilməmişəm - Fəriba Vəfi ilə müsahibə

Mən türk qadınıyam, amma öz dilimdə oxuya bilməmişəm - Fəriba Vəfi ilə müsahibə

12:00 5 oktyabr 2024
Nəşriyyatlar Mədəniyyət Nazirliyinə etiraz etdi - Sərgini boykot

Nəşriyyatlar Mədəniyyət Nazirliyinə etiraz etdi - Sərgini boykot

11:07 5 oktyabr 2024
"İrəvan gündəliyi"  kitabının təqdimat mərasimi keçirildi

"İrəvan gündəliyi" kitabının təqdimat mərasimi keçirildi

19:00 4 oktyabr 2024
Türkiyədə Nizami Gəncəviyə həsr edilmiş əsər nəşr olunub

Türkiyədə Nizami Gəncəviyə həsr edilmiş əsər nəşr olunub

18:18 4 oktyabr 2024
#
#
# # #