N. Hacıyevanın qızı Cəmilə Davudovanın ONA-ya verdiyi məlumata görə, anası xərçəng xəstəliyindən əziyyət çəkirdi: "Xəstəliyi barədə ötən ilin noyabrında bildik. Bir ay olardı ki, vəziyyəti pisləşmişdi".

N. Hacıyeva ilə vida mərasimi sabah saat 14.00-da yaşadığı mənzildə olacaq. O, Yasamalda köhnə qəbiristanlıqda dəfn olunacaq.

Allah rəhmət eləsin!

17.47

Əməkdar artist, tanınmış diktor Natavan Hacıyeva dünyasını dəyişib.

Bu barədə "Bizimləsən” proqramında məlumat verilib.

Xərçəngdən əziyyət çəkən aparıcının iki gündür ki, vəziyyəti pisləşib. Qeyd olunub ki, o, bir saat bundan əvvəl həyatını itirib.

Xatırladaq ki, Bakıda dünyaya göz açmış Natəvan Hacıyeva orta məktəbi bitirdikdən sonra M.F.Axundov adına Azərbaycan Pedaqoji Rus Dili və Ədəbiyyatı İnstitutuna daxil olub. Ali məktəbdə oxuduğu illərdə müsabiqə yolu ilə Azərbaycan Televiziyasına diktor kimi işə qəbul edilib. 1960-cı ildən Azərbaycan Dövlət televiziyasında rəsmi xəbər aparıcısı olub. 90-cı illərin əvvəllərində televiziyadan uzaqlaşsa da, 1993-cü ildən “Ötənlərdən, keçənlərdən” adlı müəllif proqramı ilə sənətinə qayıdıb.

/unikal.org/

• Müəllif hüquqlarından qazancı üzə çıxdı
• Düsen Kaseinov ICTMD-nin ilk səfiri seçilib
• AKİ-nin 2024-cü il hesabatı