Kukla teatrında yeni tamaşalar olacaq

Kukla teatrında yeni tamaşalar olacaq
6 sentyabr 2019
# 16:42

A. Şaiq adına Azərbaycan Dövlət Kukla Teatrı yeni mövsüm üçün bir neçə yeni səhnə əsəri hazırlayır.

Teatrrdan kulis.az-a verilən xəbərə görə, yeni tamaşalar Azərbaycan xalq nağıl və dastanları əsasında hazırlanır. Belə ki, sənət ocağının yaradıcı kollektivinin “Yeddi nar çubuğu” əsasında ərsəyə gətirəcəyi tamaşanın səhnələşdirəni Zülfüqar Rüfətoğlu, quruluşçu rejissoru Qurban Məsimov, quruluşçu rəssamı Rəvanə Yaqubova, bəstəkarı Vüqar Camalzadədir. Səhnə əsəri ilin sonunadək teatrsevərlərin ixtiyarına veriləcək. Tam müasir tərtibat, yeni səhnə vasitələrinin tətbiqi ilə hazırlanan səhnə əsərində klassik nağıl-tamaşa, vizual elementlərlə ənənəvi kukla üslubunun sintezi təqdim olunacaq.

İlin sonunadək “Kitabi-Dədə Qorqud” dastanı əsasında türkiyəli dramaturq Hasan Erkekin yazdığı “Adını qazanan oğlan” pyesi də səhnə həllini tapacaq. Tamaşaya teatrın rejissoru Anar Məmmədov quruluş verir.

Qəhrəmanlıq, sədaqət və cəsarətin tərənnüm olunduğu səhnə nümunəsinin quruluşçu rəssamı İqbal Əliyev, bəstəkarı Vüqar Camalzadədir.

IV rübün son tamaşası isə A.S. Puşkinin “Balıqçı və balıq” nağılı əsasında hazırlanacaq “Qızıl balıq”dır. Bu tamaşa da Anar Məmmədovun quruluşunda hazırlanacaq. Səhnə işinin quruluşçu rəssamı Əfşan Əsədovadır. Musiqi tərtibatlı tamaşa tam klassik kukla sənəti estetikasında hazırlanır.

Özünün rəngarəng repertuar ənənəsinə sadiq qalan teatrda “Biri vardı, biri yoxdu” adlı nağıl-tamaşa da hazırlanacaq. Qurban Məsimovun Azərbaycan xalq nağıllarının məşhur personajlarının səhnə şousu adlandırdığı bu nümunə daha çox festivallar üçün nəzərdə tutulur.

Teatrda klassikləşən tamaşaların yeni səhnə həyatı qazanaraq təqdim olunması da artıq ənənə halını alıb. Bu işin davamı olaraq repertuarda xüsusi yeri olan, lakin özünün tərtibat baxımından ömrünü başa vuran “Qoçaq Əhməd” və “Məlikməmməd” tamaşaları da tam yeni səhnələşdirmə və quruluşda yenidən balacaların görüşünə gələcəklər.

# 2604 dəfə oxunub

Oxşar xəbərlər

"Dilində bal, ürəyində xəncərdir" - Yaxşı danışıqla borc ödəmək olar

"Dilində bal, ürəyində xəncərdir" - Yaxşı danışıqla borc ödəmək olar

10:00 18 may 2025
Direktorun səsi yayıldı, işdən çıxarıldı – Bəs səsi yayılmayanlar nə edir?

Direktorun səsi yayıldı, işdən çıxarıldı – Bəs səsi yayılmayanlar nə edir?

17:20 17 may 2025
İzzət Bağırov kimdir?

İzzət Bağırov kimdir?

16:29 17 may 2025
“Xalq Əmanəti”nin 25-ci nəşri Güney Azərbaycan poeziyasına həsr olundu

“Xalq Əmanəti”nin 25-ci nəşri Güney Azərbaycan poeziyasına həsr olundu

16:27 17 may 2025
18 yaşlı Elgünü kim öldürüb? - Qatillər niyə hələ də tapılmayıb?

18 yaşlı Elgünü kim öldürüb? - Qatillər niyə hələ də tapılmayıb?

13:01 17 may 2025
“Avroviziya 2025”in  finalı keçiriləcək

“Avroviziya 2025”in finalı keçiriləcək

11:51 17 may 2025
#
#
# # #