Seyran Səxavətin 70 illiyi qeyd olundu

Seyran Səxavətin 70 illiyi qeyd olundu
18 aprel 2016
# 10:51

Aprelin 15-də Azərbaycan Yazıçılar Birliyinin Natəvan klubunda yazıçı-dramaturq Seyran Səxavətin 70 illik yubileyinə həsr olunmuş tədbir keçirilib.

Tədbiri Azərbaycan Yazıçılar Birliyinin sədri, Xalq yazıçısı Anar açaraq yazıçının yaradıcılıq yolundan danışıb: “Bu gün yazıçı dostumuz Seyran Səxavətin ad günüdür. Gənc yaşlarında Seyran şair kimi çıxış edirdi. Sonradan bir-birindən gözəl romanlar, povestlər qələmə almağa başladı və bu onda uğurlu alındı”.

“Azərbaycan” jurnalının baş redaktoru İntiqam Qasımzadə yazıçının müdriklik yaşına qədəm qoyduğunu söyləyib: “Seyran Səxavət Azərbaycanda kifayət qədər tanınan yazıçıdır. Mənim əziz dostumun yetmiş yaşıdır və artıq o, müdriklik yaşına qədəm qoyur. Bu gündən sonra qələmi daha kəskin, daha yararlı olsun”.

Xalq şairi Nəriman Həsənzadə yubilyarın romanlarında gerçəkliyin ədəbi bacarıq və müvəffəqiyyətlə əks olunduğunu vurğulayıb: “Onun dilinin gözəlliyi danılmazdır. “Qaçhaqaç” romanında öz müasirləri, qələm yoldaşları haqda xarakterik məqamları olduqca uğurla göstərir”.

Xalq şairi Sabir Rüstəmxanlı yazıçı ilə keçən gənclik illərindən söz açıb: “Biz Seyranla tələbəlikdən tanış olmuşuq. Tələbəlikdən sonra “Ədəbiyyat və İncəsənət” qəzetində birgə işləmişik. Zaman yollarımızı ayırsa da, bəzən yaxın, bəzən uzaq olsaq da, ruhən bir- birimizdən uzaqlaşmamışıq... Seyran əvvəllər şeirlər yazırdı. Sonradan nəsri və dramaturgiyanı seçdi. Hesab edirəm o sonradan hiss etdi ki, daha ciddi dildə danışmaq lazımdır. Şeirlərinin ardınca o, gözəl romanlar yazdı. Bu romanlarda Qarabağ dilinin bütün şirinliyini, bəzən naqolaylığını, bəzən isə natarazlığını özünəməxsus bir ülubla ədəbiyyata gətirdi. Onda çox zəngin dil ehtiyatı və təsvir bacarığı var”.

Yazıçı-dramaturq Əli Əmirli yazıçının dramaturgiyası barədə fikirlərini bölüşüb: “Teatr aləminə daxil olmaq çox çətindir. Ancaq Seyran Səxavət bir ildırım sürəti ilə teatr aləminə daxil oldu. Əsərləriylə dramaturgiyada qələmini uğurla sınadı”.

Tədbirdə Milli Məclisin deputatı Fazil Mustafa, Elmlər Akademiyasının həqiqi üzvü Hatəm Quliyev, professor Almaz Əliqızı, həmçinin Xalq artistləri Flora Kərimova, Fuad Poladov və başqaları çıxış edərək yubilyarla bağlı xatirərələrini dilə gətirib, yaradıcılığından söhbət açıblar.

Sonda yubilyar tədbir iştirakçılarına minnətdarlığını bildirib.

AYB.az

# 1371 dəfə oxunub

Oxşar xəbərlər

Xalq artisti:  "O çəkilişin ikinci günü hər şeyi qoyub çıxıb getmişəm"

Xalq artisti: "O çəkilişin ikinci günü hər şeyi qoyub çıxıb getmişəm"

16:00 6 aprel 2025
Barat Vüsalın yeni kitabı çap olundu

Barat Vüsalın yeni kitabı çap olundu

15:47 6 aprel 2025
10 gündür komada olan reper vəfat etdi

10 gündür komada olan reper vəfat etdi

14:50 6 aprel 2025
Azərbaycanın "Avroviziya 2025"  təmsilçisinin ilk canlı çıxışı oldu

Azərbaycanın "Avroviziya 2025" təmsilçisinin ilk canlı çıxışı oldu

13:40 6 aprel 2025
"Bu kül o kişinin başına ki..." - Loğman

"Bu kül o kişinin başına ki..." - Loğman

13:00 6 aprel 2025
Elton Con korluğundan danışdı: "Oğullarımla idman yayımları izləyə bilmirəm"

Elton Con korluğundan danışdı: "Oğullarımla idman yayımları izləyə bilmirəm"

16:00 5 aprel 2025
#
#
# # #