Stiven Kinqdən plagiat iddiası ilə 500 milyon dollar tələb olunur. Kulis.azın rus mətbuatına istinadən verdiyi xəbərə görə iddia haqqında məlumat Stiven Kinqin əsəri əsasında çəkilmiş “Qara qüllə” filminin rolikinin çıxmasından sonra yayılıb.
Kinq The Rook komiksinin yaradıcıları tərəfindən plagiatda ittiham olunur. Onlar yazıçını məhkəməyə verərək 500 milyon dəyərində kompensasiya tələb edirlər.
İddiaçıların sözünə görə Kinqin “Qara qüllə” romanlar seriyasının baş qəhrəmanı Roland Diskeyn The Rook-un komiks qəhrəmanı Restin Deynə çox bənzəyir.
Kinqin personajı komiksin personajı kimi eyni inisial daşımaqla yanaşı kovboy paltarı geyinir, şərlə mübarizə aparır, zamanla səyahət edir. Bundan başqa romanda da komiksdə olduğu kimi oxşar qüllələr var.
The Rook komiksləri ABŞ-da 1977-ci ildən 1983-cü ilə qədər çıxıb. Stiven Kinq onları oxuduğunu əvvəllər demişdi. Xatırladaq ki, “Qara qüllə” seriyasının ilk kitabı da 1982-ci ildə çıxıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
