Təvəkkül Boysunar: "Heç bir kitab telefon ekranı ilə yarışa bilməz"

Təvəkkül Boysunar:  "Heç bir kitab telefon ekranı ilə yarışa bilməz"
13 noyabr 2023
# 18:40

"Belə sərgilər yaxşıdır, gözəldir, amma son çırpınışlardır. Çünki kitab erası bitmək üzrədir".

Bu sözləri Bakı Beynəlxalq Kitab Sərgisində Kulis-ə açıqlamasında yazıçı Təvəkkül Boysunar deyib.

Onun sözlərinə görə, bu gün heç bir kitab telefon ekranı ilə yarışa bilməz:

"Kitabın dirçəlişinə bəslənən ümid, Prustun bənzətməsi ilə desək, ölümcül xəstə olan 90 yaşlı qocanın bu gün bir gün əvvəlkinə nisbətən iki tikə artıq yemək yeyib deyə sağalacağına bəslənən ümidlə təqribən, eyni səviyyədədir. Sərgiyə xeyli adam gəlmişdi, izdiham var idi, amma o izdiham arasında, həqiqətən, kitab oxuyanların sayı heç iki faiz deyildi. İndi nəinki adi insanlar, hətta ziyalılar, intellektuallar, yazıçılar da demək olar ki, kitab oxumur.

Kitab oxumaq asan deyil, fiziki əmək kimidir. Əlindəki telefonla istədiyi vaxt istədiyi sosial şəbəkəyə rahatca girməyi bacaran və əyləncə ehtiyacını bu cür keyfiyyətsiz vasitələrlə ödəyən bir insan isə o əməyin qarşılığında hiss edilən möhtəşəm daddan xəbərsizdir. Nə vaxtsa bu dadı hiss edənlərin "reels"-dən kitaba qayıtmağı üçün isə iradə və disiplin lazımdır.

Amma istənilən halda bu cür tədbirlər lazımdır. Ən azından, kitabın xatirəsinə hörmət əlaməti olaraq".

# 1713 dəfə oxunub

Oxşar xəbərlər

Alimin niyyəti pul qazanmaq olsa, şeytana papış tikər - Aqşin Yenisey

Alimin niyyəti pul qazanmaq olsa, şeytana papış tikər - Aqşin Yenisey

11:03 3 aprel 2025
Türkiyəli aktrisa serialdan qovuldu - Səbəb

Türkiyəli aktrisa serialdan qovuldu - Səbəb

10:30 3 aprel 2025
Xalq rəssamının əsərləri Parisdə

Xalq rəssamının əsərləri Parisdə

10:05 3 aprel 2025
Nataliya Nazarova vəfat edib

Nataliya Nazarova vəfat edib

09:15 3 aprel 2025
Kimi alçaldıb Nigar xanım? Kimi təhqir edib? Xəstəsiniz? - Ömər Xəyyam

Kimi alçaldıb Nigar xanım? Kimi təhqir edib? Xəstəsiniz? - Ömər Xəyyam

18:40 2 aprel 2025
Hər çobanın əlinin altında alimlər işləyə bilər - Yalçın İslamzadə

Hər çobanın əlinin altında alimlər işləyə bilər - Yalçın İslamzadə

18:20 2 aprel 2025
#
#
# # #