Azərbaycanın ilk poliqrafçı alimi Şəddat Cəfərovun “Ötən illərin əhvalatları” (“Stories of Years Gone By”) adlı yumoristik hekayələr kitabını çap olunub.
Kulis.az xəbər verir ki, kitab ingilisdilli oxucular üçün nəzərdə tutulub və hekayə mətnlərini ingilis dilinə Kamran Nəzirli tərcümə edib.
Kitabın üz qabığının dizayneri və tərtibatçısı Mülayim Vəliyevadır.
Kitaba müəllifin ötən əsrin 70-ci illərində qələmə aldığı 31 hekayəsi daxil edilib. Mövzusunu həyatdan götürən yumorlu hekayələrin əsas mahiyyəti komik hadisə və insanların arzuolunmaz cəhətlərini açır, oxucuda incə gülüş yaradır və əlbəttə ki, tərbiyəvi əhəmiyyət daşıyır.
Bu, qocaman alim, publisist və yazıçının sayca altıncı kitabıdır və müəllifin bildirdiyinə görə, “Ötən illərin əhvalatları” artıq beş dildə çap olunub.
Azərbaycan poliqrafiya sənətinin inkişafında əvəzsiz xidmətləri olmuş Şəddat Cəfərov bu gün də yorulmadan çalışır, öz bilik və bacarıqlarını gənclərdən əsirgəmir. Şəddat müəllim poliqrafiya sahəsində çalışmaqla yanaşı, ictimai fəaliyyətlə və bədii yaradıcılıqla da məşğul olur. Kitaba daxil edilən bir sıra hekayələri, o cümlədən, "Mədəni adam", "Qovaq ağacı", "Yaxşısı budur dözək", "Həbib dayı və müdir bəy", "Arayış", "İmtahan", "Bəs təhqir olunmuş qalaq?", "Vəd" və s. kimi incə yumorlu hekayələri bu gün də aktualdır, sosial-ictimai həyatda baş verən reallıqları əks etdirir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər