19 avqust Osmanlı dövründə yaşamış türk şairi Tofiq Fikrətin ( Mehmet Tevfik Fikret) anım günüdür.

Kulis.az bu münasibətlə şairin həyatı və yaradıcılığı ilə bağlı maraqlı faktları təqdim edir.

Tofiq Fikrət 26 dekabr 1867 – 19 avqust 1915- cillərdə İstanbulda dünyaya gəlib.

1888-ci ildə Qalatasaray liseyini bitirib və bir müddət Xarici İşlər Nazirliyində çalışıb.

1894–1915-ci illərdə Türk dili və ədəbiyyatı dərsləri verib.

İlk şeirlərini və ədəbiyyatın ictimai roluna dair məqalələrini redaktoru olduğu "Sərvəti-fünun" jurnalında dərc edib.

Türk şeirinə həm məzmun, həm də forma baxımından yenilik gətirib.

Türk ədəbiyyatında "Ədəbiyyati-cədidə" adlanan cərəyanın banisi olub.

"Sənət həyat üçündür" prinsipini həm nəzəriyyədə, həm də əməldə tətbiq edən ilk türk şairidir.

Zülm, fanatizm və istibdadı qətiyyətlə tənqid edib, humanizm və azadlıq ideyalarını, xalqlar dostluğunu tərənnüm edib.

Əsərləri qadağan edilsə də, gənclər və hərbçilər arasında əzbərlənib və yayılıb.

Ərəb-fars kəlmələrinin sıx istifadəsi dilini qəlizləşdirib, amma əsərləri Azərbaycanda böyük rəğbət qazanıb.

Azərbaycan şairləri Məhəmməd Hadi, Hüseyn Cavid, Abbas Səhhət və başqalarına ilham verib, şairlərimiz ondan bəhrələniblər.

Məhəmməd Əmin Rəsulzadənin "Əsrimizin Səyavuşu" əsərində başlıqlardan biri məhz onun bir beyti ilə verilib.

Azərbaycan alimləri tərəfindən yaradıcılığı öyrənilib və əsərləri "Seçilmiş əsərləri" adı altında Azərbaycan dilində nəşr olunub.

"Rübabi-şikəstə" (1900), "Tarixi-qədim" (1905), "Xaluqun dəftəri" (1911), "Rübabın cavabı" (1911), "Doxsan beşə doğru" (1912), "Həmşirəm üçün" və bir çox başqa əsərlər onun ən yaxşı əsərləri siyahısına aid edilir.

• Latın yazılarını analiz edən süni intellekt aləti hazırlandı
• 1 milyon illik alətlər: Hobbitlərin qonşuları ortaya çıxdı
• Bakıda musiqiçini maşın vurub öldürdü