Xəbər verdiyimiz kimi, Ankara Milli Kitabxanasında 5-ci Türk Dünyası Yazarlar Qurultayı keçirilir.

Qurultayda iştirak edən Mətbuat Şurasının sədri, AYB-nin sədr müavini, “525-ci qəzet”in baş redaktoru, yazıçı, şair Rəşad Məcid tədbirlə bağlı Kulis.az-a danışıb.

“Çox əhəmiyyətli, vacib qurultaydır. Təxminən, iyirmi ölkədən yüz yazar iştirak edir. Ötən əsrin doxsanıncı illərində, Sovetlər Birliyi dağılandan sonra dörd qurultay keçirilmişdi. .

AYB-nin sədri Anar müəllim, bəlkə də, bu qurultayların hamısında iştirak edən yeganə adamlardandır.

Bu qurultay 1996-cı ildə Bakıda da keçirilib. Ümummilli lider Heydər Əliyev də orada iştirak edib.
Artıq türk dövlətləri təşkilatı yaradılıb. Türk xalqlarının inteqrasiyası yolunda böyük işlər görülür.

Bu baxımdan qurultayda türk xalqları arasında ortaq ünsiyyət dilinin formalaşdırılması, daha da yaxınlaşmamız üçün bundan sonra atacağımız addımlar müzakirə olundu. Düşünürəm ki, qurultayın nəticəsini görəcəyik. Bundan sonrakı illərdə müxtəlif türk dövlətlərində keçiriləcək qurultaya uğurlar arzulayıram."

Qeyd edək ki, qurultayda 20 ölkədən 100-ə yaxın elm xadimi, şair və yazıçı iştirak edib.

• "Ceyms Bond"un aktyoru vəfat etdi
• Balet işçiləri alternativ hərbi xidmət istəyir, qanunlar isə... - Araşdırma
• Bu serial sərhədləri aşdı - Rusiya, Ukrayna, İspaniya...