"Heç vaxt mənim yanımda istifadə eləməyib. Özünü elə aparıb ki, hiss eləməmişəm. Verilişlərə bir yerdə gedirdik. Araq içirdi, sərxoş olurdu, ancaq narkotik istifadə elədiyini görməmişəm".

Bu sözləri Əməkdar artist Rəhman Rəhmanov Kulis.az-a müsahibəsində oğlu Emil Rəhmanov haqqında danışarkən deyib:

"Əvvəllər heç nə hiss eləmirdim. Evli idi. Bizdən ayrı yaşayırdı. Bir oğlu, bir qızı var idi. Heç vaxt mənim yanımda istifadə eləməyib. Özünü elə aparıb ki, hiss eləməmişəm. Verilişlərə bir yerdə gedirdik. Araq içirdi, sərxoş olurdu, ancaq narkotik istifadə elədiyini görməmişəm. Axıra yaxın hiss elədim. Özü reabilitasiyaya gedirdi. O reabilitasiyadan sonra öldü. Sən demə, ona olmazmış. Qanı laxtalandı, gecə ilə Kliniki Tibbi Mərkəzə, oraya qəbul eləmədiklərinə görə "Topçubaşov"a apardılar. Orada reanimasiyaya qoyduq. Həkim səhər 9-da gəldi. Dedilər ki, heç nə eləyə bilmirik, iki saat sonra öləcək. Trombu tərpədə bilmirdilər. Elə də oldu. İki saat sonra vəfat etdi".

"Dəfndə sənət adamlarından çox adam var idi, ancaq müəllimi Teymur Əmrah gəlməmişdi"

Aktyorun dediyininə görə oğlunun müəllimi Əməkdar artist Teymur Əmrah dəfnə gəlməyib:

"Sənətdən dünyasından gəlib-gedən yoxdur, ancaq kənar sahələrdən yaxşı dostları var. Gəlib yada salırlar. Dəfndə sənət adamlarından çox adam var idi, ancaq müəllimi Teymur Əmrah gəlməmişdi. Görüşüb başsağlığı verdi. Dedi ki, Gəncədə olmuşam. O mənim xətrimi çox istəyir".

"Daha çox üstün düşə bilərdim"

O, oğlu ilə bağlı peşmanlığını da dilə gətirib:

"Əlbəttə. Daha çox üstün düşə bilərdim. Ancaq onda uşaqlıqdan belə problem yox idi. Məşhurlaşandan sonra problemlər başladı. Tanınırdı deyə çox müzakirə olunurdu. Haqqında çox şayiələr yayılırdı".

• Kəndlərdən saraylara - Dünyanı özünə valeh edən rəqs hansıdır?
• Akif Əli: "Azərbaycan kinosunun tarixində AKİ-nin öz rolu var"
• Dörd körpə tabutu, bir ölümsüz ariya – Dahi bəstəkarın müəmmalı ölümü