Ramiz Rövşənin bu şeiri Avstriyada çap olundu – Mətn

Ramiz Rövşən, Xalq şairi

Ramiz Rövşən, Xalq şairi

27 oktyabr 2021
# 16:01

Xalq şairi Ramiz Rövşənin alman dilinə tərcümə olunmuş “Yağış yuyur, gün qurudur” şeiri Avstriyanın populyar “Schreib Was” ədəbiyyat jurnalında yayımlanıb.

Kulis.az-ın verdiyi xəbərə görə, jurnalda şairin yaradıcılığı haqqında məlumat da yer alıb.

Xatırladaq ki, şeir Dövlət Tərcümə Mərkəzinin “Azərbaycan ədəbiyyatı beynəlxalq aləmdə” layihəsi çərçivəsində işıq üzü görüb.

Şeirin orijinalını təqdim edirik.

Bu yerləri, bu göyləri

Yağış yuyur, gün qurudur.

Bu dünyada çox şeyləri

Yağış yuyur, gün qurudur.

Gözümüzün yaşını da,

Bağrımızın başını da

Qəbrimizin daşını da

Yağış yuyur, gün qurudur.

Gələn nədi, gedən nədi?

Bələk nədi, kəfən nədi?

Bu dünya öz kefindədi

Yağış yuyur, gün qurudur.

...Ulduzların tozunu da,

Lap günəşin özünü də,

Lap yağışın özünü də

Yağış yuyur, gün qurudur...

# 2796 dəfə oxunub

Oxşar xəbərlər

Azərbaycan milli mətbuatının 150 illik yubileyi keçiriləcək - Sərəncam

Azərbaycan milli mətbuatının 150 illik yubileyi keçiriləcək - Sərəncam

17:49 25 aprel 2025
Ağadadaş Ağayev kimdir?

Ağadadaş Ağayev kimdir?

17:36 25 aprel 2025
"Hər şeyin üstündən keçirəm, amma anamın o cür ölməsini bağışlamıram" - Hikmət Sabiroğlu

"Hər şeyin üstündən keçirəm, amma anamın o cür ölməsini bağışlamıram" - Hikmət Sabiroğlu

17:20 25 aprel 2025
Dövlət Kukla Teatrı Ankarada

Dövlət Kukla Teatrı Ankarada

17:15 25 aprel 2025
"Barış Manço" filmi niyə ləğv edildi? - Açıqlama

"Barış Manço" filmi niyə ləğv edildi? - Açıqlama

16:50 25 aprel 2025
"Məhbuslar dənizdə batırılırdı, o vaxt Bakıda balıq ətindən kütləvi zəhərlənmə olmuşdu" - "Ölüm Zirzəmisi"ndən REPORTAJ

"Məhbuslar dənizdə batırılırdı, o vaxt Bakıda balıq ətindən kütləvi zəhərlənmə olmuşdu" - "Ölüm Zirzəmisi"ndən REPORTAJ

16:00 25 aprel 2025
# # #