Xəzər rayon Mərkəzləşdirilmiş Kitabxana Sisteminin Mərkəzi Kitabxanasında tanınmış şair, Əməkdar mədəniyyət işçisi Qəşəm Nəcəfzadə ilə görüş keçirilib.
Kulis.az xəbər verir ki, “Gülümsə Qəşəm...” adlı görüşdə 149 və 292 nömrəli məktəbin müəllim və şagird kollektivi, Azərbaycan Yazıçılar Birliyinin üzvü, şair Banu Mühərrəm, kitabxananın fəal oxucuları iştirak ediblər.
Görüş zamanı müasir Azərbaycan ədəbiyyatının tanınmış şairlərindən biri olan Qəşəm Nəcəfzadənin həyat və yaradıcılığı haqqında videoçarx nümayiş olunub, şairin poeziyasından nümunələr səsləndirilib.
Öz yaradıcılığı və kitabları barədə söz açan Qəşəm Nəcəfzadə görüş iştirakçıları üçün seçilmiş şeirlərini səsləndirib, oxucuların ona ünvanladığı sualları cavablandırıb.
Yekunda şair öz növbəsində səmimi görüşün təşkilinə görə hər kəsə minnətdarlığını bildirib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
